Turizmi në vend ka pësuar rënie rekord duke shënuar vitin më të vështirë për industrinë turistike. Gjatë 9 muajve të parë të 2013-s, sipas Bankës Qendrore rënia e të ardhurave në turizëm ishte në masën 13 % ndërsa shpenzimet e të huajve shënuan rënie prej 18 për qind. 

400 vjetori i themelimit të qytetit të Tiranës do të përkujtohet me një sëre aktivitetesh të organizuara nga Bashkia e Tiranës në bashkëpunim me shoqatën “Tirana”. Aktivitetet do të nisin me 11 shkurt, ditë në të cilën 94 vjet me parë Tirana u shpall kryeqyteti i vendit, dhe do të shtrihen përgjatë gjithë vitit.Drejtori i Drejtorisë së Kulturës në Bashkinë e Tiranës, z.Arben Skënderi dhe kryetari i shoqatës “Tirana”, z.Arben Tafaj kanë shpalosur për mediat një pjesë të aktiviteteve të planifikuara për përkujtimin e 400 vjetorit të qytetit të Tiranës.

Panairi i parë i Turizmit Malor i cili organizohet në Shqipëri do të jetë një platformë e pasur me informacione nga operatorët lokalë për vendet më të bukura të Shqipërisë ku mund të kaloni pushime të mrekullueshme. 
Për më tepër do të mund të përjetoni eksperiencën reale të këtyre vendeve nëpërmjet një ekrani LED.Të bëni foto në peisazhe të ndryshme të cilat mund ti ndani me miqtë tuaj në Facebook.

Një sëre afreskesh nga më të rendesishmet të pikturës post-bizantine shqiptare, të pikturuara me mjeshteri te rralle nga Onufri jane dëmtuar rënde me qëllim grabitjen. 

Persona ende te paidentifikuar kane tentuar te grabisin  kishen e "Shen e Premtes", në fshatin Valas, të zonës së Shpatit, në rrethin e Elbasanit, duke shkatërruar pikturat murale të ikonografit të madh shqiptar, Onufri. 

E ndertuar në vitin 1540, kjo kishe mbante vlera të rralla kulturore për periudhën e piktures mesjetare shqiptare. Nga Forumi per Mbrojtjen e Trashegimise ne vendngjarje ka ardhur Artan Shkreli, i cili konstatoi se demi i shkaktuar ishte kolosal. Duke krahasuar Onufrin ne Mikelanxhelon, Shkreli u shpreh me keqardhje se ky eshte nje dem i pariparueshem per kulturen shqiptare.”Mund të mendojmë në një farë mënyre se kjo është Kapela Sistine e afreskëve shqiptare, nje nga skenat me te jashtezakonshme qe gjendet ne të gjitha manualet e artit mesjetar shqiptar. Mbi këtë bazë, u ndërtua dhe një pjesë e mirë e kostumografisë shqiptare të mesjetës”, deklaroi Artan Shkreli, i Forumit për Mbrojtjen e Trashëgimisë.Nga ana tjeter, aktivisti i Forumit per Mbrojtjen e trashegimise dhe njekohesisht deputet i PS, Auron Tare, denoncoi kete demtim te rende te pikturave te Onufrit duke theksuar se ne nje vend europian, ministri i Kultures do te kishte dhene doreheqjen para nje situate te tille. ”Drejtoria e Trashëgimisë Kulturore duhet të reagojë me largimin e personave përgjegjës për këtë punë. Unë nuk mund të imagjinoj sikur të dëmtohet Kapela Sistene në Itali dhe ministri i Kulturës të mos japë dorëheqjen menjëherë për paaftësi”, tha Auron Tare, deputeti i Partisë Socialiste.Kjo kishe eshte grabitur dy here brenda nje jave ne daten 30 dhjetor dhe ne 5 janar. Pasi u denoncua vjedhja e pare nga banoret e zones dhe komuna e Gjinarit, policia nuk mori asnje mase per mbrojtjen e saj apo per identifikimin e autoreve, çka beri qe situata te perseritej dhe demi i shkaktuar tashme te ishte i pariparueshem. ”Ne si komunë, unë si kryetar i komunës kemi lajmëruar policinë, e kemi bërë problem tek prefekti, tek Ministria e Kulturës, pasi kjo kishë është e 1540-s. Fatkeqësisht, asgjë nuk u bë për ta mbrojtur dhe dëmi është kolosal. Specialistët të gjejnë përgjegjësit”, tha i kreu i Komunës së Gjinarit, Kristaq Shqau.Pikturat e rralla murale te cilat pervec skenave religjioze mbartnin edhe aspekte te jetes se perditshem shqiptare kane bere nje revolucion ne pikturen kishtare mesjetare. Keto afreske kane qene te pamundura te grabiten nga muret e kesaj kishe shekullore pasi nga goditjet ato jane therrmuar. Sipas specialisteve, punimet e kryera me fije kashte nuk mund te zhvendosen pasi ato therrmohen dhe shkaterrohen teresisht. Qe prej vitit 2007, objekteve te kultit iu hoq mbikeqyresi i cili paguhej nga shteti me 3 mije leke te vjetra. Ato u lane ne meshire te fatit dhe vlera te rralla kulturore  mijeravjecare tashme nuk ekzistojne. top channel

Panairi i përvitshëm i biznesit, i cili prej 17 vjetësh mbledh në Tiranë bizneset e Shqipërisë, Kosovës, Maqedonisë e Malit të Zi, rajonit të Ballkanit, e më gjerë, këtë edicion ka hapur një sektor të veçantë për turizmin, duke i ofruar atij pavione të të tëra, në të cilat, nëpërmjet qarqeve, institucioneve, kompanive dhe shoqatave të ndryshme, do të promovohet oferta turistike e Shqipërisë. Ky sektor, pritet të ketë shumë interes nga publiku, sidomos për sezonin dimëror i cili është në prag.

Sot në Tiranë u zhvillua Konferenca për turizmin, në kuadër të “Iniciativës Adriatiko-Joniane”, me temë “Rritje e bashkëpunimit në fushën e turizmit mes vendeve anëtare të Nismës Adriatiko-Joniane (NAJ) me fokus të veçantë në strategjinë e BE-së për Makro-Rajonin Adriatik dhe Jon (EUSAIR)”. E pranishme në këtë aktivitet, ku mbajti edhe një fjalë përshëndëtese, ishte Ministrja e Zhvillimit Urban dhe Turizmit, znj. Eglantina Gjermeni.

Një delegacion i kryesuar nga Ministrja e Zhvillimit Urban dhe Turizmit, znj. Eglantina Gjermeni, në Panairin Botëror të Turizmit (Ëorld Travel Market), në Londër u përmbyll me mes konsultimesh me ekspertët dhe aktorët vendas të turizmit, si edhe duke marrë ide dhe sugjerime nga ekspertiza e huaj. Znj.Eglantina Gjermeni ministre e MZHUT theksoi se Ministria e Zhvillimit Urban dhe Turizmit do të bëjë gjithçka për të promovuar Shqipërinë, duke shtuar numrin e turistëve të huaj, si edhe duke e kthyer turizmin në një sektor fitimprurës për ekonominë dhe gjenerues të vendeve të reja të punës.