Rene Rexhepi sërish me restorantin më të mirë në botë
Kuzhinieri me origjinë shqiptare fiton çmimin “Oscar” për ushqim
Në San Pellegrino është mbajtur ceremonia e ndarjes së çmimeve për restorantin më të mirë në botë.
Sërish këtë çmim e ka rrëmbyer restoranti “Noma” i Rene Rexhepit, me prejardhje shqiptare.
Është viti I katërt që ky restorant kryeson listën e më të mirëve në botë. Duket sikur një lëndë e panjohur mban ngjitur në dorën e shqiptarit kupën e çmuar.
“Noma fiton çmimin që konsiderohet si Oscari i restoranteve”, shkruan CNN.
“Është diçka e çmendur. Faleminderit për besimin tuaj”, ka thënë Rexhepi.
Kuzhineri me famë botërore nuk është aq i largët për shqiptarët e Shqipërisë. Në 100-vjetorin e Pavarsisë, adhuruesit e tij patën mundësi ta takonin në ambientet e La Boheme Roof Garden në Tiranë, ku për një kohë të gjatë ka performuar edhe nxënësi i tij Bledar Kola.
