Articles in Category: Blog

Shitësja e vogël e librave

Written by Flora Xhemani Baba on Saturday, 06 July 2019. Posted in Blog

A lexojnë të rinjtë gjatë verës? Pak. Por ata po bëjnë diçka tjetër; po ftojnë të tjerët të lexojnë!

Shitësja e vogël e librave

Radhimë, 6 Korrik 2019

Vapë. Fillim korriku. Plazh. Temperatura dyzet gradë e nën diell ca më shumë. Ndërkohë që njerëzit lahen në det, shullëhen në diell apo struken nën çadra, një vajzë rreth të tetëmbëdhjetave, me një vandak librash në gjoks dhe një çantë në shpinë, ku me siguri ka libra të tjerë. Më afrohet pa ngurrim se sheh “Gojën e Kalit” mbi shezllon.

South Outdoor Festival 2019 e gjithë Shqipëria turistike në katër ditë

Written by Flora Xhemani Baba on Friday, 03 May 2019. Posted in Blog

Borshi mirëpriti edicionin e tretë të festivalit të kthyer në traditë

South Outdoor Festival 2019 e gjithë Shqipëria turistike në katër ditë

Trekking, hiking, mountain bike, scuba diving, “jeep safari”, kayak, stand up paddle, paragliding, fluturim me ballon, “Trike Flying”, joga, tenis, pingpong, lojra shpejtësie e zgjuarsie për fëmijë, fitness në natyrë, ushqim fshatçe, panaire me produkte lokale, muzikë pa hesap, live kuptohet, forum… dhe një fushë e madhe e gjelbër, si nëpër përrallat me mrize …. Të gjitha në Borsh nën një emërues të përbashkët; South Outdoor Festival 2019.

Të prenotosh pushimet perfekte….. në Instagram!!!

Written by Flora Xhemani Baba on Friday, 19 April 2019. Posted in Blog

Kjo dukuri tashmë virale, që ushqehet vazhdimisht me reklamë të paguar, duke dubluar pa fund faqe të ngjashme me qindra mijëra e shpesh edhe miliona ndjekës

Të prenotosh pushimet perfekte….. në Instagram!!!

Tashmë është e ditur botërisht se 70 % e përmbajtjes së Instagramit është e pavërtetë ose siç quhet në gjuhën e internetit; FAKE. Të gjitha fotot perfekte, me vajza me trupa të bukur në bikini ose fustane që ua valëvit era në pozicione romantike-sensuale, çifte të bukura përqafuar mes pëllumbash apo dallgësh, me sfond panoramat më ikonike të turizmit botëror, nuk janë gjë tjetër veçse iluzione që krijohen përmes aplikacioneve ose programeve të tjera të montazhit të fotove/videove, me imazhe të cilat realizohen në oborrin e shtëpisë, në dhomë, në studion e ndonjë fotografi ose në rastin më të mirë, në destinacione të zakonshme e të arritshme në përditshmëri.

Për një tavë krapi lart në Kalanë e Shkodrës

Written by Flora Xhemani Baba on Sunday, 24 March 2019. Posted in Blog

Asgjë nuk e identifikon Shkodrën më shumë se tava e krapit.

Për një tavë krapi lart në Kalanë e Shkodrës

Në Shkodër mund të shkohet për gjithfarë gjërash të bukura në një fundjavë pranvere. Kur natyra “qeshet” siç thonë shkodranët dhe qyteti i zhytur mes ujrave të lumenjve e liqenit të tij harliset në qafim të pranverës, një shëtitje buzë liqenit, një xhiro në Pijacë ose në Pedonale, për të shijuar arkitekturën veneciane, një vizitë te Marubi apo e “Oso Kuka” për t'u pasuruar me dije e kulturë, një arratisje në Mes për një copëz mesjete, vetëm për të folur për rreth e rreth, do të ishte një kohë e shpenzuar më së miri.

Top Hotels 2019 nga ALER Group, gati për sezonin e ri turistik

Written by Flora Xhemani Baba on Wednesday, 27 February 2019. Posted in Blog

Zinxhiri i hoteleve ALER, rritet me dy struktura të reja

Top Hotels 2019 nga ALER Group, gati për sezonin e ri turistik
Kur në Shqipëri nisi era e re e turizmit “all inclusive” ose e thënë ndryshe, e pushimeve me paketë turistike të parapaguar, në tregun shqiptar, krahas tur operatorëve të tjerë, u shfaq edhe një emër i ri: ALER Travel. Kompania që në bërthamë kishte çiftin shqiptaro-ukrainas Bledi dhe Tatiana Bajraktari dhe që aktivitetin e saj e kishte nisur si një agjenci turistike dhe imobiliare me qëllim lidhjen e Ukrainës me Shqipërinë, u rreshtua pa hezitim në vijën e parë të tur operatorëve që guxuan shkallën më të lartë të konsumit turistik, ardhjen e turistëve me avionë “charter”. Nuk është e lehtë të garantosh turistë në shifra aq të larta për tregun problematik shqiptar por ALER ia doli jo vetëm ta bëjë këtë por edhe t`i drejtohet një sektori tjetër brenda fushës së turizmit: atij të akomodimit.