Në një reliev të mahnitshëm ku harmonizohen bukur, dielli, rëra, deti, pylli, klima e detaje të tjera të mrekullueshme të listës së gjatë që do të dëshironte me gjithë zemër një turist i huaj apo vendas.  Divjaka si destinacion turistik ndodhet rreth 25 km larg Lushnjes, pikërisht në pjesën veriore të saj. Nëse jeni duke udhëtuar përgjatë itinerarit veri-jug, ju duhet të ktheni për në Divjakë, në kthesën e rrethrrumbullakut të Rrogozhinës, 25 km para se të shkoni në Lushnje. 

Të flasësh për detin në të hyrë të gushtit, kur koha është akoma e nxehtë, por vera po mpaket e nuk e ka më joshjen e korrikut, është njësoj si të duash të kapesh pas kujtimeve të bukura, për të provuar sadopak ndjesinë e magjishme që të kanë lënë kur i ke jetuar. Dhe vetvetiu në mendje të vjen nëpër mend ndonjë plazh me rërë të butë e të zgjohet dëshira për të shëtitur buzë tij. Një plazh i tillë “përkedhelës”, është Spilleja, në bregdetin e Kavajës. Për të shkuar në Spille, ju duhet të merrni në të djathtë të superstradës Kavajë-Rrogozhinë, aty ku nën infrastrukturën e rregulluar tashmë, ju orientojnë tabelat rrugore dhe turistike. 

Saranda është qyteti me të cilin janë ‘’dashuruar’’ jo vetëm shqiptarët por edhe të huajt. E vendosur në gjirin e kaltër të Jonit ajo i rri përballë Korfuzit, si një nimfë e mitologjisë antike që për çdo moment kërkon ta joshë atë. E hijeshuar nga kurorat e ullinjve dhe tarracat e agrumeve tek Saranda mishërohenë bardha e steresë, bluja e Jonit dhe e gjelbërta e vegjetacionit. Duke shkuar drejt saj gjen Butrintin e Eneas dhe Virgjilit, Ksamilin e ishujve të rrallë, të vetmin ‘’Sy të Kaltër’’, Finiqin e epirotëve, Polifoninë e jugut, Midhjen mbretëreshë të liqenit, por mbi të gjitha Jonin, detin që na josh të gjithëve… 

 Fation Plaku, një dashamirës i sporteve ekstreme. Që prej disa vitesh është një eksplorues i natyrës shqiptare. Konkretisht merret me sportin e alpinizmit, hedhjet me parashutë nga avioni. Një ndër talentet e tij është edhe fotografia. Ai pasqyroi me shumë mjeshtëri çdo hap gjatë ekspeditës së Everestit. Dëshira e tij është të provojë edhe sportin e quajtur ” banxhi xhambi” , pra të hidhet nga një lartësi prej 160m.

U bë tashmë e zakonshme që mediat botërore – edhe ato më të njohurat – i bashkangjiten listës së gjatë të publikimeve ose transmetimeve për Shqipërinë turistike, si një destinacion i vlefshëm për ta vizituar e zbuluar. Më e fundit prej tyre është televizioni i njohur Al Jazeera, me një nga degët e shumta të tij Al Jazeera Balkans, me seli qendrore në Bosnje Hercegovinë, i cili po pregatit një dokumentar të shkurtër për Shqipërinë dhe bukuritë e saj turistike. Qëllimi i saj është njohja me Shqipërinë e të gjitha vendeve të brendshme të Ballkanit e më gjerë ku televizioni i njohur ka shtrirjen e tij.