Gjiri i Dafinës në Karaburun, një mrekulli e vogël ende e pazbuluar
Karaburuni bëhet vend mjaft tërheqës në vijën bregdetare dhe më i paeksploruari.
![Gjiri i Dafinës në Karaburun, një mrekulli e vogël ende e pazbuluar](https://albaniantravel.info/AlbanianTravel/cache/com_zoo/images/gjiri-696x522_4b21ffe6362dacc5ea0e7f7606f99517.jpg)
Nga Adela Alla
TIRANË, ATSH/ – Gjiri i Dafinës është një prej bukurive natyrore më të veçanta që ofron gadishulli i Karaburunit. Në morinë e gjireve detare që ka ky gadishull si gjiri i Dafinës, gjiri i Anglezit, shpella e Haxhi Aliut, gjiri i Ariut etj., Karaburuni bëhet vend mjaft tërheqës në vijën bregdetare dhe më i paeksploruari.
Këto vende dhe gjire të bukur mund të vizitohen përmes udhëtimeve me mjete lundruese. Vende të pazbuluara dhe të paekspozuara gjenden akoma në turizmin shqiptar.
Një turiste e cila e ka eksploruar gjirin e Dafinës gjatë fundjavës shprehet për këtë eksperiencë se, “nuk ju duhet të udhëtoni shumë larg për të vizituar këtë vend të mrekullueshëm të quajtur Gjiri i Dafinës i cili ndodhet në pjesën perëndimore të Parkut Natyror Karaburun”. /a.a/ j.p/