Team Building, udhëtimet ideale për skuadrat e mëdha

Team Building, udhëtimet ideale për skuadrat e mëdha

on Tuesday, 22 January 2019. Posted in Outdoor

Si mund të kaloni kohë fantastike me grupin, ekipin apo stafin tuaj

Team Building, udhëtimet ideale për skuadrat e mëdha

Team Building apo e quajtur ndryshe Staff Retreat, përcaktohen si aktivitete të cilat përmirësojnë marrëdhëniet midis kolegëve dhe komunikimin.
Klubi Discover Albania në mënyrë të vazhdueshme inkurajon kompanitë në realizimin e udhëtimeve me kolegët, pikërisht për të përmirësuar këto aspekte, por edhe më shumë. Më poshtë do t’ju tregojmë pse duhet të zgjidhni udhëtimet Team Building, në mënyrë që të kaloni kohë fantastike me ekipin tuaj.
Të gjithë kemi nevojë për një pushim, për të rimarrë veten dhe rifilluar me motivimin e duhur. Natyra ka një ndikim të jashtëzakonshëm në motivimin tonë të përditshëm; sa më shumë kohë të kalojmë pranë natyrës, aq më pozitiv do të ndjehemi. E ku ka më mirë për motivimin, nëse këtë kohë kolegët e kalojnë së bashku, në një udhëtim të organizuar nga kompania, ku punonjësit kalojnë pjesën më të madhe të kohës aktive?!

Ndjenja e vlerësimit nga kompania

Realizimi i Staff Retreat nga kompania, rrit tek punonjësi ndjenjën e vlerësimit nga kjo e fundit. Në momentin që ajo tejkalon detyrimet e saj, duke u kujdesur edhe për marrëdhëniet mes kolegëve, krijimin e një ambienti te këndshëm dhe veçanërisht që stafi të jetë i kënaqur, jo vetëm nga ana e karrierës, por edhe me kompaninë dhe me kolegët, rrit dukshëm produktivitetin dhe atmosferën pozitive në punë.

Ndjenja e një ekipi të përbashkët drejt qëllimit kryesor të kompanisë

Në Team Building, stafi ndjehet i vlerësuar dhe më i afërt me njëri –tjetrin dhe me kompaninë. Këto aktivitete sjellin forcimin e kulturës së brendshme të kompanisë dhe mishërimin e vlerave të kompanisë tek punonjësit.

Më pak konflikte, ose akoma më tepër konflikte të zgjidhura

Fryma dhe komunikimi i përçuar është forcimi i mëtejshëm i marrëdhënieve mes kolegëve dhe dëshmia e një përkushtimi të ndërsjelltë mes kompanisë dhe punonjësve.

Mundësia për të zgjidhur çështje të ndërlikuara, larg ambientit të zakonshëm të punës

Të ndodhurit mes kolegëve në një ambient më relaksues dhe me më pak tension, sesa në një ditë të zakonshme pune, çliron më tepër energji dhe ide të reja mes njëri-tjetrit dhe në raport me kompaninë.

Udhëtimet, që mund të realizohen për këtë tipologji, janë të ndryshme.

Paketat më kryesore që ne kemi për udhëtime punë janë:

• 1 Ditore

• 2 Ditore

• 3 Ditore

• 4 Ditore

Destinacionet varen kryesisht nga sezoni: Dimër/Vjeshtë/Pranverë/Verë.

Përgjatë të gjthë vitit ne ju ofrojmë zgjedhje të ndryshme, të cilat përshtaten më së miri për udhëtimet me kolegët.

Kryesisht më të preferuarat janë Valbona, Thethi dhe Dhërmiu.

Me poshte po ju listojme destinacionet e ndryshme per Team Building:

• Lugina e Valbonës – Liqeni i Komanit me traget

• Theth – Zemra e Alpeve Shqiptare

• Riviera Shqiptare – Shëtitje me Skaf

• Liqenet e Lurës – Mbill një Pemë

• Krorëz/ Kakome – Vizitë në plazhet e fshehura

• Gjirokastër/ Përmet – Histori dhe Kulturë

• Dardhë/Voskopojë – Magjia e Pranverës

• Razëm – Mrizi i Zanave

• Kosovë – Vendet më të bukura

• Ujvara e Sotirës – Më e bukura në Shqipëri

• Kepi i Rodonit – Magjia e Adriatikut

Tashmë kjo tipologji udhëtimi ka 5 vite që realizohet nga Klubi Discover Albania dhe impakti tek kompanitë dhe punonjësit ka qenë vërtet i mirë.

Nga viti në vit, ne jemi përmirësuar hap pas hapi e në të njëjtën kohë, gjithnjë e më shumë kompani po realizojnë udhëtime të tilla, madje duke u rikthyer për të ribërë udhëtime të tilla, pasi fryma e bashkëpunimit është faktor kyç në punë e nëpërmjet metodave të tilla rritet. Klubi Discover Albania ka një staf të specializuar për Team Buliding dhe një program që në fokus ka pikërisht socializimin, zgjidhjen e konflikteve, motivimin, vlerësimin e aftësive të veçanta dhe frymën e grupit. Të gjitha këto elemente, të suportuar edhe nga logjistika, japin rezultate mjaft të mira në performancën afatgjatë të kompanisë.

Ndaj, ne vazhdojme të inkurajojmë gjithnjë e më shumë kompanitë apo bizneset që të shohin metoda të reja për ta bërë ekipin e tyre të ndjehet i motivuar për të punuar dhe Team Building do të ishte mënyra e duhur.

0.0/5 rating (0 votes)

Hits

8284

Leave a comment

Please login to leave a comment. Optional login below.