Ksamili - në mbretërine e ishujve të magjishëm

Ksamili - në mbretërine e ishujve të magjishëm

on Wednesday, 07 March 2012. Posted in Destinacione

Parë në këndvështrimin above dhe underwater

Ksamili - në mbretërine e ishujve të magjishëm

Para se ta zgjidhnim Ksamilin si një destinacion të propozuar për numrin e parë të “Travel”, u menduam shumë të kuptuar nëse vazhdon të jetë tërheqëse apo e rekomandueshme kjo zonë, për shkak të ndërtesave të shumta e të rrëmujshme, që e kanë prishur disi peisazhin e mrekullueshëm të fshatit me ishuj, ku mijëra pushues vijnë verës për të shijuar gjiret e vegjël, plot bukuri e ngjyra marramendëse. Dhe akoma jemi në dilemë nëse duhet t’jua rekomandojmë. Por nëse ndodh kështu me atë çka shihni mbi ujë, nuk do kishim hezitim për botën nënujore të Ksamilit e të krejt gjirit të Sarandës. 

Duke ju ofruar për joshje, një pamje mahnitëse të ishujve nga ajri, nëpërmjet fotografive spektakolare të Alket Islamit, ne do donim t’ju sillnim deri këtu, për t’ju shoqëruar më pas në botën e nënujit, këtë herë nëpërmjet djemve të kompanisë Water Sport Tourism Albania, të cilët tashmë prej një viti e më shumë, janë “dislokuar” në Gjirin e Bukenvileve, për të zhvilluar ekspeditat e tyre nënujore, në kërkim të thesareve të nënujit. Bota e pafundme e nënujit, ruan për ju surpriza të vazhdueshme për shkak se çdo herë zbulohen gjëra të reja, në ndryshim nga kodrat dhe plazhet tashmë të njohura të ishujve. 

Përveç bukurive natyrore, koraleve shumëngjyrëshe, peshqve dhe gjallesave të larmishme që do të mbushin udhëtimin tuaj me kënaqësi të vogla, ju do të keni privilegjin të jeni gjithmonë vizitorë të veçantë të muzeve në natyrë, duke kundruar anijet e mbytura, reliket historike dhe objektet e shumta që bota ujore e jugut të Shqipërisë ruan në gjirin e saj.

E mos harroni një fakt të rëndësishëm; për të bërë zhytje me Water Sport Tourism Albania, nuk është nevoja të dini not! E gjithashtu mund të bëheni zhytës profesionistë nëse doni!

0.0/5 rating (0 votes)

Hits

15183

Comments (1)

Leave a comment

Please login to leave a comment. Optional login below.