Dajti: Sa pranë e kemi argëtimin!

Written by Irena Kanani on Tuesday, 06 March 2012. Posted in Around

Një udhëtim me teleferik për panoramë të paharrueshme

Dajti: Sa pranë e kemi argëtimin!

Duhet të udhëtosh vetëm 26 km në lindje të Tiranës, për t’u gjendur në mes të bardhësisë së  dëborës e cila është e preferuar jo vetëm nga të rinjtë  aventurierë të sporteve dimërore, por edhe nga familjarë të cilët duan të kalojnë një ditë ndryshe nga rrëmuja e smogu i  Tiranës. Malii Dajtit, është quajtur me plot meritë “ballkoni i Tiranës”, për  argëtimet e shumta që të ofron në çdo stinë të vitit. Kënaqësisë së dëborës nuk mund ti bëjë rezistencë askush, të rinjtë, fëmijët dhe gjyshërit. 

Plazhi i gjeneralit - Perla e bregdetit kavajas

on Tuesday, 06 March 2012. Posted in Destinacione

Plazhi i gjeneralit - Perla e bregdetit kavajas

Ai ishte një gjeneral italian i Luftës së Dytë botërore, i cili kishte ardhur në Shqipëri në fillim të viteve 40, kur Italia pushtoi Shqipërinë. Gjatë ekspeditave në zonën e Kavajës pikërisht në fshtin Bardhor – ku edhe sot ndodhet një nga burgjet e shtetit shqiptar - ai ndeshi në një gji të mrekullueshëm rreth 400 metra të gjerë, që puthej nga një det thellësisht blu i cili copëzohej nga pjesë shkëmbore duke krijuar një vijë të thërrmuar ujë-tokë e cila mbyllej me dy kepa majtas-djathtas, në formën e një patkoi. Ky xhep i bruztë-blu, ishte i veshur me shkurre të blerta e kodra të buta që e mahnitën ushtarakun. Dhe jashtë kontekstit të luftës ai e ndau me mendjen e tij se ky ishte një gji i mrekullueshëm për të bërë plazh. Pak kohë pasi u kthye në Itali, mori familjen e tij dhe e mësyu gjirin edhe njëherë, por kësaj radhe me jaht, nga deti. 

Fierzë - Koman, mrekullia e fjordeve shqiptare

on Tuesday, 06 March 2012. Posted in Itinerare

Aty ku peisazhet do t'ju lenë pa frymë...

Fierzë - Koman, mrekullia e fjordeve shqiptare

Duke dashur të jemi në koherencë të plotë me stinën, me shijet tuaja, me atë që do të ishte më e përshtatshme për t’u vizituar në një perudhë të caktuar të vitit, kemi dëshirë t’ju rekomandojmë një itinerar fare të veçantë, i cili në vetvete mbart një përvojë e kënaqësi që nuk mund ta merrni askund tjetër, ndonëse është pjesë e një udhëtimi shumë më të gjatë. Ajo që do t’ju ofrojmë, është një shëtitje e mrekullueshme në itinerarin ujor Koman-Fierzë, ose anasjelltas, përgjatë liqeneve artificiale të krijuara prej ndërtimit të hidrocentraleve të veriut të Shqipërisë, që përveçse na mbajnë gjallë nga ana ekonomike, na dhurojnë edhe një copëz të vyer në mozaikun të turizmit natyror shqiptar. 

Krorezi - the dream of a summer day

Written by Flora Xhemani Baba on Tuesday, 06 March 2012. Posted in English

Krorezi - the dream of a summer day

Offering a tourist destination to visit means a that this destiancionshouldn’t be easily accessible,and at least not impossible to touch. We do not know if we should categorize our secret place this time as hardly accessible or completely inaccessible. This will depend on your tastes, how will you attract what you will say, of course, how willing would you be for a little adventure.

Krorëzi – ëndrra e një dite vere

Written by Flora Xhemani Baba on Tuesday, 06 March 2012. Posted in Destinacione

Krorëzi – ëndrra e një dite vere

Të ofrosh një destinacion turistik për ta vizituar atë, do të thotë më e pakta që ky destiancion të jetë në mos lehtësisht i arritshëm, të paktën jo i pamundur për t'u prekur. Nuk e dimë në duhet ta kategorizojmë vendin tonë sekret të kësaj here si vështirësisht të arritshëm apo krejtësisht të paarritshëm. Kjo do të varet nga shijet tuaja, sa do t'ju tërheqë ju ajo që do t'ju themi, e sigurisht sa të gatshëm do të jeni ju për pak aventurë.