Sezoni turistik, kroçerat në portin e Durrësit, nga muaji shkurt në nëntor

on Tuesday, 12 February 2019. Posted in Lajme

Pritet të ankorohen edhe një numër shumë më i madh jahtesh turistikë

Sezoni turistik, kroçerat në portin e Durrësit, nga muaji shkurt në nëntor

Nga Klotilda Saraçini 

TIRANË, 12 shkurt/ATSH/- Sezoni turistik në portin e Durrësit këtë vit do të nisë më shpejt dhe do të zgjasë mbi 9 muaj.
Deri tani në Autoritetin Portual Durrës është njoftuar mbërritja e 25 kroçerave dhe velierave turistike, të cilat do ta vizitojnë qytetin e Durrësit nga muaji shkurt deri në nëntor të këtij viti.
Kroçera “La Belle De LAdriatique”, që pritet të mbërrijë më 19 shkurt në Durrës, gjatë periudhës shkurt-prill 2019 do të ankorohet 7 herë radhazi në kalatat e portit më të madh të vendit-bëjnë të ditur burime nga Qendra e Informacionit në APD.
Përveç kroçerave në Durrës pritet të ankorohen edhe një numër  shumë më i madh jahtesh turistikë të përmasave të ndryshme.

FOTO/ Qyteti i një mbi një dritareve, projekte të rëndësishme në favor të turizmit

on Tuesday, 12 February 2019. Posted in Lajme

Ditët e fundit Berati u rendit edhe si një ndër qytetet më të dashur për turistët japonezë.

FOTO/ Qyteti i një mbi një dritareve, projekte të rëndësishme në favor të turizmit

Nga Klotilda Saraçini

TIRANË, 12 shkurt/ATSH/- I njohur si qyteti i një mbi një dritareve, Berati është një qytet unik në listën e pasurive të trashëgimisë botërore të UNESCO-s, i ngritur buzë lumit Osum, rreth 2400 vjet më parë.

Berati është një nga destinacionet kryesore turistike në vend, si dhe nga më të dashurit për vizitorët vendas e të huaj.

Për të nxitur zhvillimin e turizmit në këtë qytet Fondi Shqiptar i Zhvillimit në emër të qeverisë shqiptare dhe Bankës Botërore po zbaton Programin për Zhvillimin e Integruar Urban dhe Turizmin.

Shkumbini vendoset në hartën e rafting në Shqipëri

on Monday, 11 February 2019. Posted in Lajme

Një zonë me potencial turistik për të apasionuarit ndaj sporteve të aventurës.

Shkumbini vendoset në hartën e rafting në Shqipëri

Nga Klotilda Saraçini 

TIRANË, 10 shkurt/ATSH/- Tashmë në lumin Shkumbin mund të zhvillohet sporti i rafting, duke e shndërruar Qarkun e Elbasanit në një zonë me potencial turistik për të apasionuarit ndaj sporteve të aventurës.

Një grup sportistësh nga ekipi i Rafting Albania ishin këtë fundjavë në provën e tyre të parë në lumin Shkumbin. Prova u kalua me sukses dhe sipas ekspertëve të rafting, në lumin Shkumbin mund të zhvillohet rafting në një nivel mesatar, duke qenë i aksesueshëm jo vetëm nga profesionistë, por edhe nga amatorë të këtij sporti.

Shqipëria pjesë e panairit ndërkombëtar të turizmit BIT Milano 2019

on Monday, 11 February 2019. Posted in Lajme

Prezantohet turizmi bregdetar, malor, trashëgimia kulturore dhe historike

Shqipëria pjesë e panairit ndërkombëtar të turizmit BIT Milano 2019

Nga Klotilda Saraçini 

TIRANË, 10 shkurt/ATSH/- Turizmi bregdetar dhe ai malor, trashëgimia kulturore dhe historike, si dhe kulinaria e Shqipërisë do të prezantohen nga data 10-12 shkurt në panairin ndërkombëtar të turizmit BIT Milano 2019.

Shqipëria është mysafire prej kohësh e panairit më të madh të turizmit Bit Milano, ku mes qindra ekspozitorëve dhe mijëra vizitorëve përfaqësohet denjësisht.

SiViaggia: Syri i Kaltër, burimi në zemër të Shqipërisë që të mahnit

on Sunday, 10 February 2019. Posted in Lajme

Kandidat për Trashëgiminë e UNESCO-s

SiViaggia: Syri i Kaltër, burimi në zemër të Shqipërisë që të mahnit

Nga Klotilda Saraçini

TIRANË, 9 shkurt/ATSH/ – “Syri i kaltër”, një fenomen natyror që nuk ka gjetur ende një shpjegim të vërtetë, mund të admirohet në mes të pyllit vetëm disa kilometra larg Sarandës, shkruan SiViaggia.it.

I kaltër si ngjyra e burimit natyral që gjendet në Shqipëri.

Një fenomen që mund të admirohet në Muzinë, një fshat në qarkun malor të Vlorës. Një vend shumë popullor në mesin e shqiptarëve, por pothuajse i panjohur për turistët, të cilët gjithnjë e më shumë e vizitojnë çdo vit vendin.