Qafështama - Parku mbretëror ku pushonte Geraldina dhe ku prej do kohësh ju pret bujarisht Shkreli Hotel - Camp

English - Shqip

Albanian tourism has positively started to change, even though not everything within it is going great, and the best thing is to be happy and support the positive ways it’s undertaking. Let’s talk about Kruja for example, the wide panoramic beam continues to be saddened by the plagued landscape of Mount Kruja but once you drive through the beautiful snake road under the scent of the “Ahu” trees and you enter the town, the great ongoing change of the small town can be felt immediately, with a new footpath, beautiful cliffs, a major bus station for many tourists who are the breath of the city, not to mention ‘Pazari’,the city’s jewel, which looks even more glitzy since the restoration by the Albanian-American Foundation, or Museums up in Kala (Castle), which is seen as the "Mecca" of the tourist pilgrimage not only in Krujë but for entire Albania but let's leave all of this for a moment and keep up with the benefits of Kruja's tourism.

 

Continue Reading Leave Comment

Një shëtitje në zonën këmbësore, rijetësuar nga Fondacioni Shqiptaro-Amerikan për Zhvillim

Zonat për Zhvillimin e Biznesit – BID janë partneritete publik-privat të krijuar si organizata
me mbështetje publike, por të menaxhuara privatisht. Ato kanë për qëllim përmirësimin e infrastrukturës, rritjen e cilësisë së shërbimeve publike, dhe investimet në lagjet tregtare qytetëse. Qëllimi kryesor i zonave BID është përmirësimi i mundësive ekonomike, sigurisë dhe krijimi i një klime biznesi bashkëpunuese mes anëtarëve të shoqatës. Administrimet e suksesshme të zonave BID shkojnë përtej përmirësimit dhe mirëmbajtjes së infrastrukturës, ato krijojnë një bashkësi sipërmarrësish, rrisin sigurinë, stimulojnë rritjen e aktivitetit tregtar dhe rrisin vlerën e pronës në zonë. BID-et e sukseshme mund të rigjallërojnë qendrat e qyteteve dhe mund t’i bëjnë ato më tërheqëse për vizitorët e turistët.
Fondacioni Shqiptaro Amerikan për Zhvillim – AADF ka ndihmuar komunitetin e biznesit
dhe bashkitë përkatëse në krijimin e shoqatave BID dhe ka ofruar grante e shërbime
këshilluese për bizneset në zonë. AADF e zbaton projektin “BID Shkodra” në bashkëpunim
me Bashkinë Shkodër përgjatë rrugëve “28 Nëntori”, “13 Dhjetori” dhe “Kolë
Idromeno”. Shoqata BID Shkodra dhe Bashkia bashkëpunojnë për të organizuar veprimtari,
të cilat përfshijnë komunitetin dhe promovojnë zonën.

Continue Reading Leave Comment

Një vizitë në Krujën turistike dhe Pazarin e Ri, ripërtërirë nga AADF

Bledar KAÇIU

Administratori i TID KRUJA

 

Kruja është një tarracë natyrore, rrëzë malit të Krujës nga ku pamja e saj shtrihet në brigjet e Adriatikut. Shumë pranë Tiranës, Kruja mbetet një atraksion që nuk duhet humbur nisur nga ato që të ofron qyteti. Trashëgimia kulturore e ndërthurur me bukuritë natyrore të shoqërojnë kudo në Krujë.
Tek ngjitesh për në qytet pylli i pishave dhe ajri i pastër të ftojnë këndshëm në një vizitë plot mbresa. Me të arritur në qytet destinacioni kryesor është Kalaja e Gjergj Kastriotit, Skënderbeut. Rrugës për në kala kalojmë nga Pazari i Vjetër që daton fillimet e tij në Shek XV, tashmë i restauruar nga Fondacioni Shqiptaro Amerikan për Zhvillim, duke ruajtur vlerat dhe traditat krutane.

Continue Reading Leave Comment

Berati i UNESCO-s shton numrin e turistëve

I shtrirë krah dy brigjeve të Osumit, me Tomorrin në lindje e Shpiragun në perëndim, Berati mbështjell historinë e vet mbi 2400-vjeçare rreth lagjeve të bardha të Goricës dhe Mangalemit. Ato kqyren nga Kalaja e banuar pa ndërprerje, qysh prej shekullit të IV-t para Krishtit, dhe japin e marrin nëpër Urën e Goricës e cila i i jep domethënien peisazhit historik të qytetit.
Historia e ka njohur qytetin e Desaratëve me emra të ndryshëm, për tu ndalur në shekullin e VII-të pas Krishtit kur pushtuesit sllavë e më tej Bizanti do e njihnin Antipatrean e hershme si Belgrad, Qyteti i Bardhë, nga rrjedh edhe emri Berat me të cilin e njohim qytetin sot.

Në vitin 2008 Berati hyri në listën e Trashëgimisë Botërore të UNESCO-s, si një kompleks historik i cili përcjell të ruajtura, traditat e arkitekturës, arteve, zejeve dhe besimit, të trashëguar nëpër shekuj brenda shtëpive të tij të bardha.

Continue Reading Leave Comment

Emocionet dhe ndjenjat mund të jenë ura

Kristina Fidhi

Urat mund të jenë emocione dhe ndjenja. Përfundimin mund ta nxjerrësh në pak minuta meditimi teksa përshkon Urat e Zagories. Të vendosura mbi lumin e Zagories në krahinën me të njëjtin emër në Gjirokastër, urat historike të Hoshtevës dhe Nivanit janë dëshmia më e shkëlqyer e një periudhe të artë ndërtimesh. Urat me harqe guri dhe kalldrëm mund të të ngacmojnë lehtë në shpirt. Pa shumë sforcim e kupton se vete emocionet e ndjenjat nuk mund të jenë vec ura. Përpjekja për tu bashkuar, për të komunikuar, për të shkëmbyer, për tu pranuar ,për të përcjellë lajme mbetet substanca jetësore e tyre që prej ndërtimit. Urat e Zagories janë monumente që jetojnë, që marrin frymë që sfidojnë dhe që mahnisin. Edhe sot pas 200 vjetësh ato mbeten shpërblim për më të guximshmit, për ata që sfidojnë kilometra të tëra ngjitje dhe zbritje nëpër terrene të vështira. Urat kanë dinjitet megjithëse të veshura nga bimësia dhe harresa. Ato kanë nevojë të mbrohen , të restaurohen e të shpëtohen për të vijuar të  emocionojnë udhëtarët e së tashmes dhe së ardhmes.

Continue Reading Leave Comment