Articles in Category: Lajme

Kisha e Shën Sotirës, aty ku Mihal Grameno përhapi gjuhën shqipe

on Tuesday, 26 February 2019. Posted in Lajme

Kisha mbart vlera të rëndësishme historike

Kisha e Shën Sotirës, aty ku Mihal Grameno përhapi gjuhën shqipe

Nga Adela Alla

TIRANË, 25 shkurt /ATSH/ – Kisha e Shën Sotirës ndodhet në juglindje të fshatit Vuno, në krahë të rrugës automobilistike që të çon drejt gjirit të Jalit.

Kisha mbart vlera të rëndësishme historike, pasi në datë 19-29 maj 1907, Mihal Grameno me anëtarë të tjerë të çetës së Çerçiz Topullit, përhapnin gjuhën shqipe nëpërmjet teksteve mësimore, duke përdorur si vendëstrehim kishën e Shën Sotirës. Për këtë arsye kisha ruhet si një monument me vlera të rëndësishme historike.

Shqipëria, në panairin ndërkombëtar të turizmit në Arabinë Saudite

on Tuesday, 26 February 2019. Posted in Lajme

Edicioni i nëntë i panairit në Jeddah

Shqipëria, në panairin ndërkombëtar të turizmit në Arabinë Saudite

Nga Adela Alla

TIRANË, 25 shkurt /ATSH/ – Panairi Ndërkombëtar i Turizmit, i organizuar nën kujdesin e guvernatorit të Jeddah, princit Mishaal bin Majed, si dhe Komisionit saudit për Turizmin dhe Trashëgiminë Kombëtare, u zhvillua në datat 13-15 shkurt 2019 në Jeddah, Arabi Saudite.

Për tre ditë me radhë, ky event u ndoq nga më shumë se 200 ekspozues nga 29 vende të botës përfshirë investitorët, menaxherët, punonjësit e sektorit si dhe vizitorët e publikut të gjerë, dhe me një numër vizitorësh që tejkalonte 30 000. Shqipëria, pjesëmarrëse për herë të parë në këtë panair, u përfaqësua nga Agjencia Kombëtare e Turizmit në bashkëpunim me Institutin e Trashëgimisë dhe Turizmit si dhe agjencinë turistike “Sahra Tours”.

A po nis industria e ndërtimit të anijeve në Shqipëri?

Written by Flora Xhemani Baba on Wednesday, 20 February 2019. Posted in Lajme

Në Vlorë ka nisur puna për ndërtimin e anijes së dytë, pjesë e Regina Group

A po nis industria e ndërtimit të anijeve në Shqipëri?
Disa vite më parë, një vajzë e apasionuar pas detit dhe anijeve me vela, pasi kishte mbaruar një shkollë që zakonisht konsiderohej për djem, siç ishte inxhinieria e drurit, filloit të projektonte varka me vela, të ndërtuara në mënyrë artizanale, që një ditë do të lundronin nëpër detet dhe liqenet e Shqipërisë. Dhe ajo ditë erdhi. Sot Genta Ahmeti me nismën e saj “Life on a Boat” ka populluar jo pak herë liqenet e Tiranës dhe detin e Durrësit me pulëbardhat e saj të bukura, që kanë hijeshuar plot aktivitete dhe që nesër shpreson t`i kthejë në mjete të zakonshme lundrimi për individë ose turistë.

Qendra e fshatit piktoresk të Dukatit së shpejti me pamje të re

on Thursday, 14 February 2019. Posted in Lajme

do të Së shpejti do të kthehet në identitet, duke i kthyer dinjitetin kësaj zone me kaq histori.

Qendra e fshatit piktoresk të Dukatit së shpejti me pamje të re

Nga Klotilda Saraçi

TIRANË, 13 shkurt/ATSH/ – Qendra e fshatit piktoresk të Dukatit, 30 kilometër larg qytetit të Vlorës, do të kthehet në identitet, duke i kthyer dinjitetin kësaj zone me kaq histori.

Në këtë fshat po vijon puna për prishjen e objekteve pa leje që janë ndërtuar 25 vitet e fundit në qendrën e tij.

“Vijon puna për prishjen e objekteve pjesë të projektit të Rikualifikimit të qendrës së fshatit Dukat, një bashkë financim i bashkisë Vlorë, Agjencinë Zviceriane për Zhvillim dhe Bashkëpunimit Austriak për Zhvillim, mbështetur nga programi për Zhvillimin Rajonal në Shqipëri, për të bërë të mundur realizimin në kohë të këtij projekti dhe kthimin në identitet të qendrës historike të këtij fshati”, – thekson bashkia.

Sezoni turistik, kroçerat në portin e Durrësit, nga muaji shkurt në nëntor

on Tuesday, 12 February 2019. Posted in Lajme

Pritet të ankorohen edhe një numër shumë më i madh jahtesh turistikë

Sezoni turistik, kroçerat në portin e Durrësit, nga muaji shkurt në nëntor

Nga Klotilda Saraçini 

TIRANË, 12 shkurt/ATSH/- Sezoni turistik në portin e Durrësit këtë vit do të nisë më shpejt dhe do të zgjasë mbi 9 muaj.
Deri tani në Autoritetin Portual Durrës është njoftuar mbërritja e 25 kroçerave dhe velierave turistike, të cilat do ta vizitojnë qytetin e Durrësit nga muaji shkurt deri në nëntor të këtij viti.
Kroçera “La Belle De LAdriatique”, që pritet të mbërrijë më 19 shkurt në Durrës, gjatë periudhës shkurt-prill 2019 do të ankorohet 7 herë radhazi në kalatat e portit më të madh të vendit-bëjnë të ditur burime nga Qendra e Informacionit në APD.
Përveç kroçerave në Durrës pritet të ankorohen edhe një numër  shumë më i madh jahtesh turistikë të përmasave të ndryshme.