Articles in Category: Lajme

Kontrolli efektiv i gjuetisë në Parkun Kombëtar "Divjakë – Karavasta”

on Wednesday, 25 March 2015. Posted in Lajme

Konferencë për Shtyp mbi efektet e moratoriumit dhe problematika të tjera të mjedisit të parkut myzeqar

Kontrolli efektiv i gjuetisë në Parkun Kombëtar
Përfaqësues nga Ministria e Mjedisit, përfaqësues nga Parku Kombëtar Divjakë - Karavasta, përfaqësues të Shoqatave Mjedisore Kombëtare dhe Ndërkombëtare, Noè Conservation, dhe studiues të shpendëve u mblodhën së bashku në një Konferencë për Shtyp për të sjellë në vëmendje rëndësine e moratoriumit të gjuetisë duke pasqyruar rezultatet e monitorimit të shpendëve dhe gjuetisë në Parkun Kombëtar Divjakë - Karavasta.

Lumi Vjosa në udhëkryq – Cunam digash apo Park Kombëtar?

on Friday, 13 March 2015. Posted in Lajme

OJF-të deklarojnë: 33 hidrocentrale janë planifikuar në pellgun ujëmbledhës të lumit të fundit të egër në Evropë.

Lumi Vjosa në udhëkryq – Cunam digash apo Park Kombëtar?
Tiranë, Vienë, Radolfzell, 12 Mars, 2015. Sot, OJF-të ndërkombëtare Riverwatch dhe EuroNatur së bashku me partneren shqiptareEcoAlbaniaparaqesin një dokument, që për herë të parë zbulon shtrirjen e plotë të kërcënimit në zonën e pellgut ujëmbledhës të Vjosës. Sipas këtij dokumenti, lumin e fundit të madh të egër në Evropë e kërcënon njëshkatërrim i plotë. Në total 33 HEC-e janë projektuar përgjatë Vjosës dhe degëve të saj, 6 nga të cilët në Greqi (ku Vjosa quhet Aoos) dhe 27 në Shqipëri. Aktualisht 4 hidrocentrale janë duke u ndërtuar. Megjithatë rezistenca kundër këtyre projekteve po rritet dhe një ide alternative po fiton popullaritet gjithnjë e më shumë siç është: Shpallja e Vjosës Park Kombëtar. Një iniciativë e re shqiptare po mbështet gjithashtu këtë vizion.

Bashkia Përmet dhe komuna Çarshovë duan një Park Kombëtar në vend të digave në Lumin Vjosa

on Sunday, 28 December 2014. Posted in Lajme

Njoftim i përbashkët për shtyp i Riverwatch, EURONATUR dhe PPNEA

Bashkia Përmet dhe komuna Çarshovë duan një Park Kombëtar në vend të digave në Lumin Vjosa

Përmet, Vinë, Radolfzell, 19 dhjetor 2014. Të mërkurën dhe të enjten (dt. 17-18.12.2014) u zhvilluan diskutimet e para publike për të ardhmen e Luginës së Vjosës, në Çarshovë dhe Përmet në jug të Shqipërisë. Ndërsa planet zyrtare të qeverisë parashikojnë ndërtimin e tetë digave përgjatë gjithë lumit, kryetarët dhe populli i komuniteteve të prekura mbështesin idenë alternative të krijimit të një Parku Kombetar. Në këto takime u nënshkrua një deklaratë për të ndaluar projektet e digave dhe për të mbrojtur lumin si Park Kombëtar. "Takimet e Vjoses" do të vazhdojnë vitin e ardhshem me diskutime të ngjashme më komunitetet përgjatë lumit. 

Stebleva - një bukuri e rrallë mes pyjeve të Librazhdit

on Saturday, 08 November 2014. Posted in Lajme, Around

Një udhëtim mes natyrës në Parkun Kombëtar "Shebenik-Jabllanicë"

Stebleva - një bukuri e rrallë mes pyjeve të Librazhdit

 

Nga Vilma Disha
Dikur e lënë në harresë, sot një perlë e paprekur e turizmit malor dhe natyrës piktoreske. Stebleva është një teatër natyror, një gërshetim i mahnitshëm i lëndinave, pyjeve, kodrinave, maleve dhe lumenjve. “Maja e Zezë” e cila ndodhet në lartësinë 2225 m mbi nivelin e detit, është maja më e lartë në këtë zonë. I dyti renditet mali i “Raducit”, me një lartësi  2084 m, i cili shtrihet në lindje të Steblevës. Stebleva përshkohet nga përrenj dhe kroje të shumtë, të cilët pasi grupohen, formojnë lumin  që në gjuhën e popullit quhet “ Zalli i Steblevës”. Pasi përshkon rrugën Borovë – Sebisht – Okshtun, në Gjoricë të Dibrës, ky lumë bashkohet me Drinin e Zi. Krahas bukurisë, florës dhe faunës së pasur, ky lumë karakterizohet edhe nga cilësia parësore e peshkut që rritet në këto ujra, “trofta me pika të kuqe”. Jo më pak kureshtje, zgjon dëshira për të vizituar  liqenin  karstik të malit të Draganit. Shkëmbinjtë monumentalë që e karakterizojnë, të gdhendur nga vetë natyra ndër shekuj, krijojnë një peisazh natyror vërtet  miklues. 

 

Konferenca Ndërkombëtare për "Menaxhimin e Sezonalitetit në Turizëm" sjell në Tiranë OBT

on Wednesday, 22 October 2014. Posted in Lajme

Organizata Botërore e Turizmit: Shqipëria, vend me potencial turistik gjithëvjetor

 Konferenca Ndërkombëtare për

Konferenca Ndërkombëtare për "Menaxhimin e Sezonalitetit në Turizëm" mblodhi në Tiranë ministra dhe përfaqësues të nivelit të lartë nga disa vende të Europës, me të cilët u ndanë përvojat më të mira për të minimizuar efektet e sezonalitetit në Turizëm. Një ngjarje e rëndësishme në fushën e turizmit, sidomos për Shqipërinë, që aspiron të shtrijë sezonin e saj turistik jashtë dy muajve të verës, drejt një turizmi të qëndrueshëm
Konferencën e nderoi pa dyshim prania e figurës më të lartë në lëmin e turizmit, Sekretari  Përgjithshëm i Organizatës Botërore të Turizmit, shkëlqesia e tij Z. Taleb Rifai. I mikpritur dhe prezantuar personalisht nga ministrja e Zhvillimit Urban dhe Turizmit, Znj. Eglantina Gjermeni, Z. Rifai shprehu konsideratën e tij të lartë për Shqipërinë dhe potencialet e saj të mëdha turistike.