Articles in Category: Fokus

Kanioni i Lengaricës, me leje qeverie po shkatërrohet!!!!

on Wednesday, 28 August 2013. Posted in Fokus

Punimet e HEC-eve, lejuar nga qeveria, po e asgjësojnë këtë mrekulli të rrallë të natyrës!

Kanioni i Lengaricës, me leje qeverie po shkatërrohet!!!!

Ilir Mati

Kanioni i Langaricës, monument unik dhe i rrallë në botë, është në rrezik! Kanioni i Langaricës, Monument i Natyrës Shqiptare, shpallur me ligj si i tillë edhe Monument i Natyrës të Europës dhe i përbotshëm, është në rrezik! Kanioni i Langaricës Monument i Natyrës në shërbim të shëtitjeve në natyrë dhe shëndetit publik, është në rrezik!

Pritshmëritë dhe realizimi i tyre për sezonin pranverë-verë 2013

on Monday, 15 April 2013. Posted in Fokus

Kush janë potencialet tona dhe prej nga e presim numrin më të madh të turistëve?

Pritshmëritë  dhe realizimi i tyre për sezonin pranverë-verë 2013

Petrit Gjeçaj
Më datën 25 – 27 Prill 2012 u realizua Panairi i Turizmit në Pallatin e Koncerteve në Tiranë ku morën pjesë operatorë turistikë nga Kosova, Mali i Zi, Turqia dhe Maqedonia. Në këtë panair u shfaq një pritshmëri shumë pozitive për këtë sezon, edhe pse kudo ndjehej frika e krizës botërore ekonomike që do kishte pasoja edhe në turizëm por të gjithë kishim shpresën se nuk do të ndikoheshim nga kjo krizë duke qënë se jemi një ekonomi e vogël dhe e mbyllur, jo shumë e konsoliduar. U publikuan produkte të ndryshme turistike për të gjitha pjesët e Shqipërisë, kishte interesim nga shumë qytetarë dhe nga operatorë turistikë, por nuk kishte mbështetjen e duhur nga media në përgjithësi. Ishte një lajm jo fort i mirë, kur mori pjesë në hapje njëri prej pesë zevendësministrave të MTKRS dhe njëri nga disa nënkryetaret e Bashkisë së Tiranës, por ne i dhamë vetes kurajo dhe punuam me gjithë forcën tonë për të arritur objektivat që i kishim vënë vetes. 

Kalaja e Shkodrës, dhe muzeu i saj si përgjigje për pikëpyetjet

on Tuesday, 02 April 2013. Posted in Fokus

Është i pari takim me të shkuarën e këtij vendi për vizitorin që vjen nga veriu, që me madhështinë e hijeshinë e saj të zgjon kureshtjen për ta vizituar.

Kalaja e Shkodrës, dhe muzeu i saj si përgjigje për pikëpyetjet
Ndriçim Mlika

Në një udhëkryq ujor e tokësor nga duhet të kalojnë domosdoshmërisht të gjithë ata që vijnë nga Mali i Zi për në Shqipëri e anasjelltas, ndodhet kalaja e Shkodrës, ndryshe Kalaja Rozafa. Është i pari takim me të shkuarën e këtij vendi për vizitorin që vjen nga veriu, që me madhështinë e hijeshinë e saj të zgjon kureshtjen për ta vizituar. Dhe hap pas hapi që i ngjitesh kodrës së kalasë, horizonti nis e zgjerohet, sheh liqenin e përtej tij Krajën, sheh Shkodrën, Bunën, Drinin, Kirin, Nënshkodrën, Mbishkodrën, Zadrimën. Vijë e horizontit janë Alpet shqiptare dhe Taraboshi, ndërsa në jug kodrat e buta të fushës së Nënshkodrës që e bëjnë këtë të fundit të duket valë-valë. Atëherë e kupton se, pse kjo kodër shkëmbore e veçuar shërbeu si guackë e fortë, ku mbrohej qyteti kur ngushtohej nga armiku apo ujërat dhe, pse prej këtu buronte edhe pushteti politik mbi hapësirën përreth.

Shqipëria dhe oferta turistike

on Tuesday, 02 April 2013. Posted in Fokus

Shqipëria turistike duhet të jetë ajo që blejnë turistët dhe jo ajo që shesim ne

Shqipëria dhe oferta turistike

Dritan Zaimi 

Turizmi është sot industria me rritjen më të shpejtë dhe zhvillimin më dinamik në botë. Menaxherëve, planifikuesve dhe politikbërësve u duhet të jenë shumë vigjilentë, mendjemprehtë, praktikë dhe efiçentë në marrjen e masave të duhura dhe zbatimin e tyre në kohë, kjo pasi tendencat e reja në një turizëm me rritje të shpejtë tentojnë të zhvlerësojnë shpejt shumë strategji të cilat nuk ecin në të njëjtin ritëm me hapin e zhvillimit të turizmit. Një plan veprimi i vonuar mund të dalë jashtë loje apo të jetë joaktual nëse vonon të prodhojë veprim dhe reagim në kohën e duhur. 

 

Ali Pasha i Greqisë dhe jo Ali Pasha i Tepelenës

on Monday, 04 February 2013. Posted in Fokus

Kalaja e Tepelenës është shëmbëlltyra më e mirë e injorancës shqiptare, e harresë së trashëgimisë kombëtare, e barbarisë dhe indiferencës shtetërore.

Auron Tare

Kujtdo që i ka rënë rruga për në Janinë është habitur me ruajtjen dhe respektin që janinjotët i kanë bërë kalasë së Aliut. Për Greqinë dhe grekët, Veziri i famshëm i Tepelenës nuk është hero. Përkundrazi e kanë nëmur jo pak në folklorin dhe gojëdhënat e tyre. E kanë përçmuar madhështinë e tij, e kanë sulmuar famën e tij, e kanë baltosur jetën e tij, por çuditërisht grekët ia kanë ruajtur trashëgiminë. Kalaja e sotme e Janinës është dhe mbetet vepër madhështore e fuqisë së tepelenasit, që fama i kishte mbërritur në sallonet e aristokracisë europiane. Mirëpo grekët janë komb i qytetëruar, kanë edhe kryeministra që në mos e duan, të paktën e respektojnë trashëgiminë kulturore.