Articles in Category: Fokus

“Messe Shtutgart 2017” - Një telenovelë shqiptare për publikun gjerman

Written by Flora Xhemani Baba on Wednesday, 22 March 2017. Posted in Fokus

Për herë të parë Shqipëria u bë vend partner në një panair turizmi të përmasave botërore

“Messe Shtutgart 2017” - Një telenovelë shqiptare për publikun gjerman
Kur një gazetar ndjek nga afër një aktivitet ose ngjarje të caktuar, detyra e tij është të pasqyrojë me vërtetësi e madje edhe me sy kritik ngjarjen, të shohë se çfarë nuk shkoi, ku ishin problemet dhe nëse aktiviteti ka një cikël përsëritës, të evidentojë se çfarë mund të bëhet më mirë në të ardhmen. Mirëpo kur kjo ngjarje dikton vetvetiu edhe një përfshirje emocionale, siç ishte fjala vjen Panairi i Shtutgartit që u zhvillua në datat 14-22 Janar 2017, është e vështirë të qëndrosh i ftohtë, asnjanës, raportues apo edhe kritik, në një aktivitet ku jo thjesht prezantohet vendi yt  dhe ku dëshira për të qenë i pëlqyer nga vizitorët është shumë e madhe, por edhe sepse aty brenda është  shpirti i tij i trupëzuar në imazhe, këngë, valle, tradita, kulinari, veshje popullore e njerëz që përpiqen ta përfaqësojnë atë me dashuri. Kështu pra, thirrja e brendshme e gazetarit për të qenë kritik, u mbyt paksa nga dëshira e ethshme e njeriut, për të përcjellë sa më shumë shpirt nga vendi i tij, por duke u përpjekur njëkohësisht për të qenë sa më i vërtetë.

Ukraina, porta e një tregu të mundshëm turistik dhjetëra milionësh

on Thursday, 02 March 2017. Posted in Fokus

Mijëra turistë nga vendet rusishtfolëse tashmë kanë zgjedhur: Duam të pushojmë në Shqipëri

Ukraina, porta e një tregu të mundshëm  turistik dhjetëra milionësh
Me një popullsi prej 42 milionë banorësh, Ukraina mund të jetë një treg i mirë për turizmin shqiptar. Provat e para të këtij tregu janë dëshmuar që prej më shumë se 10 vitesh, kur turistët e parë ukrainas, të organizuar përmes agjencive turistike shqiptare dhe ukrainase, erdhën në Shqipëri, fillimisht përmes avionëve charter të ulur në pistat e aeroportit të Tivatit në Malin e Zi. Sigurisht që individë nga Ukraina kishin ardhur edhe më herët për turizëm në Shqipëri, por vitet 2013-2014 ishin të parat që shënuan ardhjen e organizuar të turistëve ukrainas në Shqipëri.

Vetëm turizmi lokal mund ta zhvillojë Shqipërinë rurale

Written by Flora Xhemani Baba on Tuesday, 12 January 2016. Posted in Fokus

Eko, agro, camping, farming, guest houses, local living dhe gjithçka tjetër që vjen nga natyra dhe zonat rurale, mund të jetë e vlefshme për të zhvilluar zonat sot të prapambetura të Shqipërisë.

Vetëm turizmi lokal mund ta zhvillojë  Shqipërinë rurale

Të gjithë e dimë që turizmi shqiptar është plot me probleme, të vogla e të mëdha, të thjeshta e të koklavitura, nga ato që herë mbeten pa zgjidhur për çështje vullneti e herë për shkak të situatave të ndërlikuara që nuk zgjidhen me një të rënë të lapsit. Të gjithë e dimë po ashtu që megjithë vështirësitë, kurba e zhvillimit të turizmit në vite ka njohur vetëm rritje, si në ekonomi ashtu edhe në numër turistësh. Kjo e fundit sidomos ka një kërcim shifrash që tani nuk mund të konsiderohen më edhe aq të parëndësishme. Rritja e numrit të turistëve sidomos atyre të huaj, është një dukuri që nuk ka nevojë të shikohet në statistika. Mjafton t`i hedhësh një sy rrugëve të Shqipërisë në sezonin e verës, që të kuptosh se turistët shëtitës, makinat-rulota, motorët, shpesh në autokolonë apo autobusët e shumtë të tur-operatorëve shqiptarë dhe atyre të huaj, janë një dukuri e zakonshme që nuk habit më askënd. 

Shanset e turizmit kulturor në Shqipëri

on Tuesday, 06 October 2015. Posted in Fokus

Si qëndrojnë marrëdhëniet tona midis albanologjisë dhe turizmit?

Shanset e turizmit kulturor në Shqipëri

Stefan Pinguli

Në kohën kur mediat më të mëdha dhe më prestigjioze të botës, bashkë me testues të certifikuar, po e listojnë Shqipërinë si një destinacion turistik që nuk duhet humbur, si duhet të reagojmë? Duhet që t’ia lëmë turizmin shpërndarjes okazionale që ofron tregu i çrregullt, duhet që të huajve t’u rrëfejmë detin dhe malet, mishin e pjekur apo peshkun e skuqur? Këto janë destinacionet më atraktive që Shqipëria duhet të ofrojë? A është koha të mendojmë se specifika më e mundshme për sukses në turizmin shqiptar është pikërisht vënia e kulturës materiale e shpirtërore të popullit shqiptar edhe si një aset themeltar për prezantimin, promovimin dhe marketingun e kombit tonë në sezonet tona turistike?

Dymijëekatërmbëdhjeta ishte viti i Shqipërisë

Written by Flora Xhemani Baba on Friday, 09 January 2015. Posted in Fokus

Shqipëria pati një bum të madh përsa i përket promocionit dhe marketingut turistik

Dymijëekatërmbëdhjeta ishte viti i Shqipërisë

E thënë kështu, në mënyrë deklamative, kjo shprehje nuk i shpëton syrit të mprehtë të skepticistëve dhe nënqeshjes ironike të pesimistëve shpotitës, që përballë optimizmit që mbulon titullin, të të tundin para fytyrës statistikat kokëforta të turzmit “outgoing”, që natyrisht e kalojnë lirshëm dhe shumë herë shifrën e turistëve që hyjnë në Shqipëri ose thënë më gjuhën e turizmit; “incoming”Por 2014-a ishte vërtet viti i Shqipërisë, së paku përsa i përket promocionit dhe marketingut turistik, duke i shtuar kësaj edhe rritjen në mënyrë progresive të turistëve të huaj që hyjnë çdo vit në Shqipëri, kryesisht përgjatë sezonit të verës. Nuk po përpiqemi fare të themi nëse kjo rritje numri i detyrohet rritjes, fjala vjen, të shërbimeve apo të kapaciteteve pritëse të Shqipërisë. Le të themi që rritja vjen prej njohjes më të madhe të Shqipërisë prej të huajve nëpërmejt shumë burimeve tashmë, që të mbledhura bashkë përbejnë të tërën, Shqipërinë, jo më edhe aq të panjohur.