Numri i fundit i revistës Travel, dedikuar traditës, ripërtëritjes së vlerave, kulturës popullore, festave tona të bukura dhe njerëzve të punës.

Të dashur lexues!
U bënë tashmë thuajse gjashtë vjet që revista Travel ju sugjeron destinacionet dhe itineraret turistike më të bukura e më të frekuentuara në Shqipëri dhe në trojet shqiptare në Kosovë, Maqedoni e Mal të Zi. Kemi qenë bashkë në Veri e në Jug, i kemi rënë atdheut kryq e tërthor e kemi zbuluar bashkë vende të bukura e të mbushura me magji, mister, natyrë, kulturë e histori, në çdo cep të vendit. Shqipëria sa ç`është e vogël, aq është edhe e madhe dhe bukuritë e saj nuk kanë fund. Tashmë ne vazhdimisht përpiqemi t`ju sjellim jo më vende të reja por qasje të reja për vende të njohura, lloje të reja eksperiencash e mënyrash udhëtimi, duke e bërë pushimin tuaj më interesant. Në këtë numër që përfshin brenda tij edhe festat më të bukura të vitit për ne, ato të Nëntorit dhe të Fundvitit, ju kemi sjellë një buqetë përvojash e përjetimesh që i kapërcejnë stinët dhe shkojnë përtej një sezoni të thjeshtë. Zbuloni se sa bukur është të përshkosh Ballkanin me biçikletë, sa hare e madhe është të festosh me vendasit nëpër festa lokale, traditat e tyre më të bukura, përjetoni emocionet dhe mallin e Arbëreshëve të Italisë përmes rrëfimit të një ambasadori shqiptar që i ka takuar ata atje ku jetojnë, njihni produktet natyrale dhe mikpritjen shqiptare përmes fermave unike në Shqipëri e shijoni përvoja të paharrueshme përmes ripërtëritjes së traditave të vjetra, ardhur në kohëra të reja, më bukur e më fort se më parë. Udhëtim të këndshëm!

Continue Reading Leave Comment

Takim i shoqatës turistike me ministren e turizmit, për sezonin që u mbyll dhe pritshmëritë për 2017-ën

Me kërkesë të Unionit Turistik Shqiptar, dje në Ministrinë e Zhvillimit Ekonomik, Turizmit, Tregtisë dhe Sipërmarrjes, u zhvillua një takim mes krerëve dhe anëtarëve të Unionit Turistik dhe ministres Znj. Milva Ekonomi. Takimi, që zgjati më shumë se dy orë, për shkak të numrit të madh të çështjeve dhe problematikave të ngjeshura, u fokusua tek sezoni turistik që u mbyll por kryesisisht tek pritshmëritë dhe problemet për vitin 2017. 

Continue Reading Leave Comment

Ky numër i ri, jo vetëm turizmi i detit por e gjithë Shqipëria turistike në 100 faqe të parezistueshme.

Vera është padyshim stina më e bukur dhe më e zhurmshme, për një vend mesdhetar si Shqipëria, ku në rreth 300 ditë me diell, më të ngjeshurat me fluksin turistik janë ato mes qershorit dhe gushtit. Por shenjat pozitive dhe shpresëdhënse për një shtyrje të këtij sezoni, e madje edhe për një përshpejtim të tij përpara qershorit, vijnë që përtej kufijve të Shqipërisë, prej nga ku operatorët shqiptarë dhe madje edhe operatorët e huaj po ndërtojnë paketat e qëndrueshme turistike që shtrihen nga maji e deri në tetor. Çka është e bukur tashmë verës, është edhe fakti që tashmë jo të gjithë vrapojnë drejt detit. Shqipëria, me Alpet e mahnitshme, me liqenet e thellë e të shumtë malorë e fushorë, me lumenjtë që ia hijeshojnë shtatin si fjongo të kaltra e të smeraldta, me shtigjet e pafundme, me shpellat misterioze, me ushqimin e shijshëm të fermave agroturistike e me një sërë turesh të aventurës, është kthyer tashmë në një destinacion gjithëpërfshirës që nuk të lejon të kalosh pushime të mërzitshme e monotone. Përjetoni pra, edhe në këtë numër të revistës Travel, larminë e pashoqe të argëtimit në këtë stinë e cila duket se nuk do të mbarojë aq shpejt!

Continue Reading Leave Comment

Për herë të parë Revista Travel bëhet partner mediatik i Panairit Të Prishtinës

Në vigjilje të edicioni të 13-të të Panairit të Turizmit në Prishtinë, analiza e vetme që mund të bëhet në plan të parë, është ta quash pa hezitim histori suksesi. I zhvilluar për 12 vjet rresht pa ndërprerje në kryeqytetin e një vendi jo edhe aq turistik po ta krahasosh me Shqipërinë, e cila vetëm sivjet pati më në fund panairin e saj të parë mirëfilli turistik, Panairi I Prishtinës, është një shembull se si duhet promovuar një industry e rëndësishme si turizmi, edhe kur nuk është degë aq e shprehu e ekonomisë, për t`i dhënë atij vëmendjen e duhur.

Continue Reading Leave Comment

Celestial Cruises, dhe operatori shqiptar ATHS nisen nga porti i Sarandës

Kroçera, ky qytet i vogël lundrues, niset për herë të parë nga Shqipëria? Po ky është një sihariq turistik  për ne! U bënë vite që ne shqiptarët pëlqejmë udhëtimet me kroçera dhe pavarësisht kostos së lartë të kësaj pakete turistike, tundimi i madh që me një udhëtim të vetëm, të shohësh disa vende njëkohësisht, ka qenë më i fortë se stepja e kostos së lartë. Me kalimin e viteve zerot pas çmimit të paketave për kroçera u pakësuan dhe të shkosh me kroçerë nëpër Mesdhe fjala vjen, nuk është më një aventurë e paarritshme apo me kosto të lartë. Numri i shqiptarëve që blejnë paketa turistike për udhëtimet me kroçera është tanimë i konsiderueshëm dhe agjencitë turistike ofrojnë dendur paketa për këtë shërbim. Mirëpo udhëtimi me kroçerë e ka një problem sidoqoftë; ato nuk nisen nga portet shqiptare por ose nga Greqia (përgjithësisht),  ose nga mali i Zi, ose nga Italia. Dhe kjo natyrisht shton koston e paketës, netët e qëndrimit në vendet fqinje ose në Sarandë (në rastin e nisjes nga Greqia).

Continue Reading Leave Comment