Error
  • Error loading component: com_media, 1

Articles in Category: City Guide

Çairi - një kopsht i bukur në prehër të Shkupit

on Saturday, 07 March 2015. Posted in City Guide

Një vështrim mbi veriperëndimin shqiptar, të kryeqytetit maqedonas

Çairi - një kopsht i bukur në prehër të Shkupit
Çairi që mbulon një sipërfaqe prej 3.52 km², shtrihet në Maqedoninë veri-perëndimore, apo në pjesën veri-lindore të qytetit të Shkupit.
Me ndarjen e re territoriale qytetin e Shkupit e përbëjnë 10 komuna, në mesin e të cilave është edhe komuna e Çairit. Komuna e Çairit shtrihet në fushën e Shkupit. Lartësia mbidetare e fushës së Shkupit është 245 m. dhe është e rrethuar me male të larta. Nga ana jugore gjendet mali Vodno, e më tej ndërlidhen malet Karaxhica dhe Jakupica. Nga ana jug-perëndimore gjendet Mali i Thatë (Suvagora). Nga ana veriore gjendet Mali i Zi i Shkupit (Crna Gora). Në aspektin gjeografik komuna e Çairit është e vendosur në pjesën qendrore , urbane të qytetit të Shkupit. Duke u orientuar me rrjedhën e lumit Vardar komuna e Çairit shtrihet në pjesën e majtë të lumit, e vendosur në zemrën, qendrën e fushës së Shkupit. Pozita e përshtatshme gjeografike e vendbanimeve i mundëson komunës që të kryejë funksionet e saja kryesore në lëmenjtë si vijon:
· Administrative dhe qeveritare
· Politike dhe ekonomike
· Kulturore dhe edukative

Pogradeci, ‘’perla’’ e liqenit në juglindje të Shqipërisë

Written by Ilirjan Gjika on Saturday, 08 November 2014. Posted in City Guide

Mjelma, koram dhe lule shumëngjyrëshe, ky është Pogradeci, qyteti i magjishëm i gjithë stinëve

Pogradeci, ‘’perla’’ e liqenit në juglindje të Shqipërisë

 

Sa herë kujton Pogradecin gjithkujt i vjen ndërmend qyteti i bukur buzë liqenit, ku natyra ka krijuar një nga “perlat” e saj. Ky është vendi ku bluja e përhershme e pasqyrës së ujit, e kuqja e ndezur e lindjes së diellit, gjelbërimi gjithëvjetor dhe njerëzit e dashur e punëtorë, të presin buzagaz për të kaluar disa ditë pushimi.
Jo më kot, këtij vendi të magjishëm i kanë shkruar dikur Lasgushi dhe Kuteli, i kanë dhënë ngjyra dhe penelata Zengo e Taso, e ka fiksuar në celuloid Misto Cici dhe Fezollari, për ta  përjetësuar nga shumë artistë të tjerë, në kujtesën e brezave këtë perlë të Shqipërisë.
Dhe është e çuditshme por mëse e vërtetë se, çdokush që ka qenë njëherë në Pogradec, nuk i shpëton dot ngasjes për tu rikthyer aty. Madje ka nga ata që janë vendosur përgjithmonë këtu, duke blerë shtëpi apo ndërtuar ndonjë vilë pushimi. Kjo është magjia e këtij qyteti me zemër të madhe që i mirëpret në gjirin e tij të gjithë, qofshin shqiptarë apo të huaj.

 

Prishtina - lindja e vështirë e një qyteti perëndimor

Written by Irhan Jubica on Sunday, 22 December 2013. Posted in City Guide

Guidë në kryeqytetin më të ri në botë

Prishtina - lindja e vështirë e  një qyteti perëndimor
Mes xhamive dhe klubeve të natës, mes rrugëve të shtrembra dhe ndërtesave qeveritare me xhama, mes lapidarëve të luftës dhe fotografive të të pagjeturve, mes shërbimit të kulturuar dhe lypësave, mes dëshirës për bashkim me tokën amë dhe asaj për identitet të vetin, Prishtina është sot kryeqyteti më i ri në botë që pavarësisht të gjithash, aspiron drejt të ardhmes që të gjithë ne e quajmë ... evropiane....
Prishtina është kryeqyteti dhe qyteti më i madh i Republikës së Kosovës. Qyteti është bashki dhe kryeqendër e Qarkut me të njëjtin emër. Bashkia e Prishtinës ka një popullsi prej 198.214 banorësh sipas regjistrimit të popullsisë së vitit 2011. Prishtina përfshin gjithashtu edhe 48 fshatra. Përpos shqiptarëve që janë shumicë si kudo në Kosovë, në Prishtinë jetojnë edhe disa komunitete tjera siç janë: serbët, turqit, boshnjakët, romët, ashkalinjtë, etj.

Saranda - nimfa e bregdetit shqiptar

Written by Ilirjan Gjika on Monday, 03 September 2012. Posted in City Guide

E dashura joshese e çdo turisti, vetëm pranë detit Jon

Saranda është qyteti me të cilin janë ‘’dashuruar’’ jo vetëm shqiptarët por edhe të huajt. E vendosur në gjirin e kaltër të Jonit ajo i rri përballë Korfuzit, si një nimfë e mitologjisë antike që për çdo moment kërkon ta joshë atë. E hijeshuar nga kurorat e ullinjve dhe tarracat e agrumeve tek Saranda mishërohenë bardha e steresë, bluja e Jonit dhe e gjelbërta e vegjetacionit. Duke shkuar drejt saj gjen Butrintin e Eneas dhe Virgjilit, Ksamilin e ishujve të rrallë, të vetmin ‘’Sy të Kaltër’’, Finiqin e epirotëve, Polifoninë e jugut, Midhjen mbretëreshë të liqenit, por mbi të gjitha Jonin, detin që na josh të gjithëve… 

Tirana qyteti që jeton

Written by Flora Xhemani Baba on Friday, 27 July 2012. Posted in City Guide

Në qytetin ku argëtimi nuk mbaron asnjëherë

 

Tirana është qyteti më i madh i Shqipërisë dhe njëkohësisht kryeqyteti i saj. Një qytet i zhurmshëm e plot jetë, Tirana ka mbledhur në gjirin e saj pothuajse 40% të popullsisë që jeton në Shqipëri, që e shohin kryeqytetin si një mundësi më të mirë për jetën dhe për të ardhmen e tyre. Tirana është gjithashtu edhe qendra kryesore administrative, ku janë vendosur pothuajse të gjitha institucionet shtetërore, si Presidenca, Kryeministria, Parlamenti Shqiptar, Gjykata e Lartë, të gjitha ministritë, dhe institucionet e tjera shtetërore të nivelit te dytë e të tretë. Në Tiranë janë të vendosura po ashtu të gjitha përfaqësitë diplomatike të shteteve me të cilët Shqipëria ka marrëdhënie diplomatike, dhe selitë e institucioneve politike të Evropës. Tirana është qendra më e madhe e edukimit në vend, me një Korpus Universitar ku përfshihen të gjitha degët e edukimit, por edhe me një numër të konsiderueshëm universitetesh private, të cilat ushtrojnë aktivitet vitet e fundit.