Top Hotels 2019 nga ALER Group, gati për sezonin e ri turistik

Written by Flora Xhemani Baba on Wednesday, 27 February 2019. Posted in Blog

Zinxhiri i hoteleve ALER, rritet me dy struktura të reja

Top Hotels 2019 nga ALER Group, gati për sezonin e ri turistik
Kur në Shqipëri nisi era e re e turizmit “all inclusive” ose e thënë ndryshe, e pushimeve me paketë turistike të parapaguar, në tregun shqiptar, krahas tur operatorëve të tjerë, u shfaq edhe një emër i ri: ALER Travel. Kompania që në bërthamë kishte çiftin shqiptaro-ukrainas Bledi dhe Tatiana Bajraktari dhe që aktivitetin e saj e kishte nisur si një agjenci turistike dhe imobiliare me qëllim lidhjen e Ukrainës me Shqipërinë, u rreshtua pa hezitim në vijën e parë të tur operatorëve që guxuan shkallën më të lartë të konsumit turistik, ardhjen e turistëve me avionë “charter”. Nuk është e lehtë të garantosh turistë në shifra aq të larta për tregun problematik shqiptar por ALER ia doli jo vetëm ta bëjë këtë por edhe t`i drejtohet një sektori tjetër brenda fushës së turizmit: atij të akomodimit.

Kisha e Shën Sotirës, aty ku Mihal Grameno përhapi gjuhën shqipe

on Tuesday, 26 February 2019. Posted in Lajme

Kisha mbart vlera të rëndësishme historike

Kisha e Shën Sotirës, aty ku Mihal Grameno përhapi gjuhën shqipe

Nga Adela Alla

TIRANË, 25 shkurt /ATSH/ – Kisha e Shën Sotirës ndodhet në juglindje të fshatit Vuno, në krahë të rrugës automobilistike që të çon drejt gjirit të Jalit.

Kisha mbart vlera të rëndësishme historike, pasi në datë 19-29 maj 1907, Mihal Grameno me anëtarë të tjerë të çetës së Çerçiz Topullit, përhapnin gjuhën shqipe nëpërmjet teksteve mësimore, duke përdorur si vendëstrehim kishën e Shën Sotirës. Për këtë arsye kisha ruhet si një monument me vlera të rëndësishme historike.

Shqipëria, në panairin ndërkombëtar të turizmit në Arabinë Saudite

on Tuesday, 26 February 2019. Posted in Lajme

Edicioni i nëntë i panairit në Jeddah

Shqipëria, në panairin ndërkombëtar të turizmit në Arabinë Saudite

Nga Adela Alla

TIRANË, 25 shkurt /ATSH/ – Panairi Ndërkombëtar i Turizmit, i organizuar nën kujdesin e guvernatorit të Jeddah, princit Mishaal bin Majed, si dhe Komisionit saudit për Turizmin dhe Trashëgiminë Kombëtare, u zhvillua në datat 13-15 shkurt 2019 në Jeddah, Arabi Saudite.

Për tre ditë me radhë, ky event u ndoq nga më shumë se 200 ekspozues nga 29 vende të botës përfshirë investitorët, menaxherët, punonjësit e sektorit si dhe vizitorët e publikut të gjerë, dhe me një numër vizitorësh që tejkalonte 30 000. Shqipëria, pjesëmarrëse për herë të parë në këtë panair, u përfaqësua nga Agjencia Kombëtare e Turizmit në bashkëpunim me Institutin e Trashëgimisë dhe Turizmit si dhe agjencinë turistike “Sahra Tours”.

Ja shtatë resorte në bregdetin Durrës-Kavajë ku mund të pushoni edhe në dimër

Written by Flora Xhemani Baba on Sunday, 24 February 2019. Posted in Blog

Për ata që janë në kërkim të një fundjave relaksi, vetëm 40 km larg nga Tirana

Ja shtatë resorte në bregdetin Durrës-Kavajë ku mund të pushoni edhe në dimër
Shpeshherë e kemi trajtuar argumentin se pse shqiptarët i drejtohen vendeve fqinje për fundjavë dhe nuk e kemi fjalën gjithmonë për resorte dimërore me dëborë e ski por edhe për vende mirëfilli bregdetare e resorte buzë detit, të cilat ofrojnë shërbim 365 ditë dhe frekuentohen dendur edhe nga turistët shqiptarë. E pra, me zhivillimet e viteve të fundit të strukturave turistike në Shqipëri, sidomos në vijën bregdetare Durrës-Kavajë, ju nuk keni pse të vraponi më në Mal të Zi apo Greqi e Kroaci sepse për të njëjtat çmime e shpeshherë edhe me më pak kosto, ju mund të merrni të njëjtat shërbime edhe në Shqipëri. Hotele me shërbime të plota SPA, pishina të brendshme, qendra, masazhi, sauna e banjo turke, pa përmendur këtu shërbimin bazë të fjetjes apo ushqimit, të cilat shumë bukur mund të emërtojnë shqip fundjavat tuaja edhe në dimër.
Më poshtë po ju rreshtojmë disa prej tyre, që nëse bëni planet e fundjavave të ardhshme, derisa të vijë vera, mund t`i shfrytëzoni si alternativa.

A po nis industria e ndërtimit të anijeve në Shqipëri?

Written by Flora Xhemani Baba on Wednesday, 20 February 2019. Posted in Lajme

Në Vlorë ka nisur puna për ndërtimin e anijes së dytë, pjesë e Regina Group

A po nis industria e ndërtimit të anijeve në Shqipëri?
Disa vite më parë, një vajzë e apasionuar pas detit dhe anijeve me vela, pasi kishte mbaruar një shkollë që zakonisht konsiderohej për djem, siç ishte inxhinieria e drurit, filloit të projektonte varka me vela, të ndërtuara në mënyrë artizanale, që një ditë do të lundronin nëpër detet dhe liqenet e Shqipërisë. Dhe ajo ditë erdhi. Sot Genta Ahmeti me nismën e saj “Life on a Boat” ka populluar jo pak herë liqenet e Tiranës dhe detin e Durrësit me pulëbardhat e saj të bukura, që kanë hijeshuar plot aktivitete dhe që nesër shpreson t`i kthejë në mjete të zakonshme lundrimi për individë ose turistë.