Një revistë e re i shtohet tregut shqiptar të medias së shkruar

on Monday, 07 May 2012. Posted in Lajme

Vjen në treg Revista gastronomike "SHIJE"

 

Tashmë të gjithë blerësit shqiptarë e në veçanti adhuruesit e ushqimit, do të kenë mundësi të gjejnë në treg revistën e re SHIJE. E përkushtuar krejtësisht ndaj gastronomisë, revista Shije, është bota e re e ushqimit, ku do të mund të udhëtoni “pa u ngopur”, nëpër shijet e pafundme që dhuron natyra dhe fantazia e njeriut. Një revistë e profilizuar, ashtu siç nuk kishte më parë një të tillë në treg, profesionale dhe me një dizajn elegant, Shija, ju dhuron jo vetëm atë që propozon që në titullin e saj, por edhe forma e imazhe të mrekullueshme. Receta, ushqime, vende, tradita, njerëz, parë në këndvështrimin gastronomik.
I urojmë rrugë të mbarë dhe pastë sukses në udhën e gjatë e të vështirë të tregut shqiptar!

Heli Ski in Tomor, or one of the most amazing days of my life

Written by Gent Mati on Monday, 07 May 2012. Posted in Outdoor

From Gent mati's Diary

Heli Ski in Tomor, or one of the most amazing days of my life

 

A small change of plans

In fact, the title should be 'Heli Skiing in Valbona', as this experience was predicted to occur as part of V-free activity (Valbona Free Ride Experience) in Valbona, where from about three years, Outdoor Albania invites the best skiers in the world to explore and ski and snowboard the vertiginous sliding slopes of the Albanian Alps after climbing them with the challenging ski-alpinism techniques.

Ulqini, një rrëfim për qytetin dhe njerëzit

on Thursday, 03 May 2012. Posted in Destinacione

Qyteti në një ditë pranvere, në prag të sezonit turistik

Ulqini, një rrëfim për qytetin dhe njerëzit

 Kozeta Bruçi

Më 1961 Ulqini renditej ndër vendet e para të rajonit, përsa i përket të ardhurave të turizmit, kurse sot ndër të fundit. Këtë fakt nuk e ndryshon as e dhëna tjetër, se Ulqini është qyteti me sipërfaqen më të madhe afër detit. Problemet e turizmit në Ulqin nisin që nga mungesa e përvojes në regjistrimin e taksës turistike, mungesa e një plani hapësinor dhe strategjik për Ulqinin, mungesa e koordinimit mes qeverisjes vendore dhe asaj qendrore, mungesa e investimeve të huaja, aftësimi i personelit si dhe krijimi i grupeve të punonjësve në pritje të turistëve.

Keto të dhëna u referuan në konferencen e katërt shkencore ndërkombëtare me temë “Perspektiva e zhvillimit ekonomik rajonal nën optikën e zhvillimeve ekonomike lokale dhe ndikimi i sektorit të turizmit në to“.

Turizmi shfaq cilësinë e tij dhe në funksionimin e hotelerisë. Para viteve ‘80, u është dhënë përparësi investimeve ruse, sipas një vije politike denigruese të qeverisjes vendore të asaj kohe në Malin e Zi. Kjo dëmtoi biznesmenët ulqinakë, duke i kuafizuar ata në maksimum, deri në mbylljen e aktivitetit. Sot shihet të jetë përmirësuar ky sektor, por ndërtimet e ulqinakëve në hoteleri ende nuk janë në nivele për të pritur fluksin e madh të turistëve me të cilin përballet qyteti.

Vetë kryetari i komunës, Nazif Cungu, në konferencën e sipërpërmendur thekson faktin se pret aporvimin nga qeveria qendrore për ndërtimin e një hoteli të madh në Ulqin Në një hotel të nivelit mesatar, qëndrimi së bashku më dy vakte në ditë, për një person kushton 28-30 euro.

Po të pyesësh ulqinakët se me çfarë jetojnë, ata shprehen: “Me të ardhurat gjatë sezonit turistik të verës dhe me bujqësi“. Por teksa viziton tregun e fruta-perimeve në Ulqin mëson nga fermerët apo shitësit, se dominojnë prodhimet e importit dhe çmimet janë pak më të larta se në Shkodër. Është paradoksale kur thuhet nga specialistët se 1 ha tokë bujqësore në Ulqin, për nga rendimenti është e barazvlefshme me 1 ha tokë në Vojvodinë, dhe të mendosh se Ulqini ka 12 mijë ha tokë, nuk është e vështirë të nxjerrësh konkluzionet për zhvillimin e bujqësisë në këtë qytet.

* * *

Jeta në Ulqin nis pas orës 9 të mëngjesit. Mjaft dyqane hapen dhe më vonë për t’u mbyllur disa prej tyre në orën 23.00. Shërbimi është tejet i kulturuar, sidomos ndaj vizitorëve, por dhe çmimet nuk të befasojnë më nivele të larta. Ende janë të pranishme investimet kinëze, kryesisht tek mallrat industrial, e vetëm së fundmi është kërkuar kontroll mbi cilësinë e tyre.

Në raport me qytetet bregdetare në Shqipëri, Ulqini të befason më pastërtinë në çdo cep të tij. Si duket në ketë drejtim kultura e krijuar meriton vlerësimin maksimal. Në Ulqin dëgjon të komunikohet në dy gjuhë. Në dyqane punonjëset pasi identifikojnë përkatësinë, komunikojnë në gjuhën që flet klienti. Numri i popullsisë në Ulqin ka shkuar në 27 mijë banorë. Nëse dikur shqiptarët zinin 85% të popullsisë, sot ata zenë 80% të saj. Emigrimi dhe ulja e numrit të lindjeve, janë dy arsyet kryesore qe e kanë ndryshuar ketë raport.

Në Kalanë e Ulqinit mund të hyhet nga veri-lindja ose nga gjiri nëpër portën kryesore. Këtu gjendet Tregu i Robërve, ku dominon Kulla e Balshajve (shek. XII), në të cilën është e vendosur Galeria e Arteve.

Përballë galerisë gjendet Muzeu Etnografik. Kah jugu, afër detit, përballë njëra-tjetrës, janë dy ndërtesa madhështore: Pallati i Ballshajve dhe Pallati e Venedikut. Në anën përëndimore të qytetit të vjetër është kisha ortodokse e Shën Nikollës. Në periudhën e sundimit osman, kisha ishte e shndërruar në xhami, por në vitin 1890 përsëri u kthye në kishë, në kujtim të dëshmorëve të luftës së vitit 1878.

Xhamija e Pashës, u ndërtua në vitin 1719. Në afërsi të xhamisë janë hamamet turke, të vetmet objekte të këtij lloji në Malin e Zi. Në pjesën veriore të qytetit janë dy kisha të tjera. Njëra prej tyre, sikurse edhe ajo në qytetin e vjetër, mban emrin e Shën Nikollës dhe është e ndërtuar në përfundim të administratës turke në Ulqin.

Në kala takon Ismajl Bushatin, një pasardhës i familjes së madhe të Bushatlinjve të Shkodrës. Ai konsiderohet sot si heroi i kalasë së Ulqinit. Në vitin 1979, kur ra tërmeti i madh, qeverisja malazeze donte të përfitonte nga fatkeqësia natyrore për të nxjerrë shqiptarët jashtë kalasë. Ismajli nuk u thye para presionëve dhe përballjeve të vazhdueshmë më policinë, as para joshjeve qe kapnin vlerën e 5000 eurove sot, të cilat askush nga të larguarit nuk i përfitoi. Ai qëndroi aty 2 vjet pa ujë dhe drita, së bashku më familjen e tij, dhe nuk e lëshoi kalanë. Më pas u la i lirë të jetonte, pasi u konsiderua i pathyeshëm dhe këmbëngulës. Sot në kalanë e Ulqinit jetojnë 35 familje. Në brendësi të saj ka disa restorante, të cilat kanë ruajtur traditën e hershmë, një kusht i domosdoshëm që e kërkojnë dhe vetë turistët.

Sa i takon jetës së natës, ajo merr gjalleri vetëm në stinën e verës. Tani në pranverë daljet vijojnë deri në orën 22.00. Më pas qyteti boshatiset nga njerëzit.

Përpara urimeve për sezonin e ri turistik - debati

Written by Irhan Jubica on Wednesday, 25 April 2012. Posted in Editorial

Sezoni turistik erdhi. A është gati Shqipëria?

Është më mirë ta debatojmë çështjen pa e zgjidhë, se sa ta zgjidhim çështjen pa e debatuar – ka shkruar më shumë se 200 vjet më parë humanisti francez Joseph Joubert. Edhe pse pa u nisë nga kjo aksiomë, porse vetëm nga domosdoshmëria e një shoqërie si kjo shqiptarja për mosfshehjen e të vërtetave, revista “Travel” e instaloi debatin në një formë dhe përmbajtje demokratike e gjithpërfshirëse përkundrejt reagimeve të njerëzve pa dilema që ende pyesin se ç’hyn debati në një revistë turistike. Me pjesëmarrje që nga pronari i një hani modest deri te menaxherët e komplekseve luksoze turistike, debati ka qenë i orientuar kah interesi publik për zhvillimin e turizmit, si njëri nga sektorët më të fuqishëm të ekonomisë shqiptare. Janë trajtuar tema dhe janë dhënë të fakte që i kanë shërbyer nxjerrjes në dritë të së vërtetës, ballafaqimit të këndvështrimeve, ideve, realiteteve në këtë sektor.

I tillë është edhe debati i këtij numri, me pjesëmarrjen e jashtëzakonshme të ministrit të Turizmit, Kulturës, Rinisë dhe Sportit. Gjithashtu edhe të drejtorit të Agjencisë Kombëtare të Turizmit, si dhe të kryetarit të UOSH.

Padyshim që së pari duhet përgëzuar gatishmëria e ministrit për t’u bërë pjesë e këtij debati në një medium si “Travel” që duhej të ishte një botim apo bashkëbotim i MTKRS, por gjithësesi i mbështetur fuqishëm nga kjo ministri. Nga ana tjetër nuk mund të mos përmendim shmangien nga debati të drejtuesve të shoqatës ombrellë të turizmit shqiptar, shprehur me zgjedhime të pafundme foljesh kalimtare joveprore në vetën e tretë njejës.

Megjithatë, duke u kthyer te debati, me kënaqësi konstatohet se pjesmarrësit, pavarësisht pozicioneve, kanë një optimizëm të argumentuar në lidhje me pritshmëritë për këtë sezon turistik, qoftë përsa i takon numrit të vizitorëve – për të cilin ministri premton rritje 10-15 % krahasuar me vjet, por edhe sa i takon rritjes së të ardhurave nga ky sektor, pasi dihet rënia e këtyre të ardhurave në raport me 2010, edhe pse 2011 kishte - sipas qeverisë – numër rekord turistësh.

Janë disa çështjet, të cilave pjesmarrësit në debatin e këtij numri nuk i janë qasur në të njëjtën mënyrë, por ndër më shqetësueset në një plan afatgjatë, duket se është lehtësia me të cilën pranohet se disa nga nismat ligjore në funksion të turizmit nuk janë kryer ende, edhe pse janë premtuar prej kohësh: ligji për turizmin, ligji për shmangien 8 vjet nga taksat për bizneset që investojnë në zonat malore, si dhe vetë strategjia kombëtare e turizmit.

Pavarësisht se ministri ka renditur një listë me emrat e segmenteve rrugore ku Ministria e Transporteve ka ndërhyrë ose po ndërhyn për të përmirësuar gjendjen, diçka tjetër që del nga ky debat është se, qoftë ministri, qoftë drejtori i AKT, i janë shmangur përgjigjes lidhur me fatin e rrugës së Thethit – njërit prej atraksioneve turistike më të frekuentuar pa ndërprerje qysh në fund të shekullit të XIX, anipse vetë kryeministri e ka ngritur këtë problem sa herë është folur për turizmin malor në Shqipëri. Në të vërtetë, shqetësimet për këtë segment rrugor – sikurse edhe për gjendjen e pashpresë me plehërat dhe ujërat e zeza në zonat turistike, janë tejet të vjetra për turizmin në Shqipëri.

Kështu pra, debatet – sikurse ky i këtij numri në “Travel”, mund të mos na i zgjidhin çështjet, por më së paku na i bëjnë të ditura ato. E më së shumti na civilizojnë deri në atë masë sa të kuptojmë se realieti nuk përbëhet veç prej njohurive, përvojës e as perceptimit tonë për të.

Njëjtë është edhe për turizmin.

Travel Magazine - Revista shqiptare e turizmit rajonal

on Monday, 16 April 2012. Posted in Info

Shqipëri, Kosovë, Maqedoni, Mali i Zi, ajka e turizmit shqiptar në Travel

Travel Magazine - Revista shqiptare e turizmit rajonal

 

Në numrin e ri të revistës Travel mund të lexoni:
 
Editorial
Përpara urimeve për sezonin e ri turistik – debate, nga Irhan Jubica:
Forum
Sezoni erdhi; A është gati Shqipëria?
Janë shprehur për forumin: Ministri  i MTKRS Aldo Bumçi, Drejtori i AKT, Klodian Pajuni dhe Kryetari i UOTSH, Sadik Malaj
Kartolinë
1.Komani -  një panoramë e papërsëritshme pranverore nga Bardhok Ndoji
2. Liqenet e Rugovës – mrekullitë e bjeshkëve kosovare na vijnë këtë here nga këndvështrimi I Driton Hysenajt
3. Shapka në Pranverë – bukuria e natyrës së Tetovës, nga Enver Vela
4. Liqeni i Balgjajt, Dibër – si asnjëherë tjetër në këtë numër ju kemi sjellë anë të panjohura të Dibrës, e cila identifikohet me Liqenet e Lurës. Por shijoni edhe këtë zonë të mrekullueshme nga Neri Totraku
Fokus:
Kalaja e Shkodrës dhe Muzeu, si përgjigje për pikëpyetjet – nga Ndriçim Mlika
Shqipëria dhe oferta turstike – nga Dritan Zaimi
Ekspertët e trashëgimisë kundër privatizimit të kështjellave – nga Fatmira Nikolli
Kosovë, 3.1% e GDP vjen nga DokuFesti i Prizrenit
Intervista
Rona Nishliu “Krenare të prezantoj Shqipërinë në Eurovizion” – nga Irhan Jubica
Gjurmë:
Antigonea, qyteti që e lindi dashuria dhe e shkatërroi urrejtja – nga Engjëll Serjani
Destinacione Shqiptare
Karaburuni, ose “Hunda e Zezë”, Kepi i Rodonit, ose “Muzhli i Skënderbeut”, Laguna e Nartës dhe Ishulli i Zvërnecit dhe Pishë Poro, e ardhmja e turizmit natyror – nga Ilirjan Gjika
Ulqini, një rrëfim për qytetin dhe njerëzit – nga Kozeta Bruçi
Itinerar:
1.Rrugëtim drejt Sarandës, aty ku dielli ngroh….. – nga Laureta Roshi
2. Shqipëria, sa e bukur! (për të dytin vit rresht winter-summer school tour) – nga Inelda Skënderaj
Reportazh
Shkodra, qyteti i festave popullore – nga Kastriot Faci
Extra
Elbasani, kryeqyteti i pranverës – nga Ermira Sinani Kullolli
Eating Time
Restorantet shqiptare, më të mirat në Ballkan, e thonë ambasadorët e huaj në Tiranë
City Guide
Kruja, mbretëresha e historisë shqiptare
Outdoor
Heli Ski në Tomor ose një nga ditët më të bukura të jetës time – nga Gent Mati
Piknik
Gjirokastra rreth e rrotull – nga Magdalena Margariti
Around
Nëse do të kalërosh, zgjidh kalin e duhur – nga Irena Kanani
Outgoing
Venecia, ëndërr që s’mbaron – nga Flora Xhemani
Award Area
Viktor Vlashi: Far East Albania, një histori suksesi – nga Irena Kanani
 Fotot e këtij numri:
 Kopertina, Apollonia - Marin Haxhimihali
Fotoja action: Mountain Bike Albania – turet e vështira të Dajtit
Intervista: Fotot – Fadil Berisha
Antigonea: Fotot, Engjell Serjani, Alketi Islami
Destinacionet Shqiptare; Fotot Alket Islami, Kozeta Bruçi
Outdoor: Fotot, Benoit Wollmer, Gent Mati
Fokus: Muzeu i Shkodrës, fotot, Rozë Rupa
Kruja: Fotot, Bardhok Ndoji, Bashkia Krujë
Festa e Shkodrës, fotot The Door Albania, Emiljan Nenshati, Terenc Pepa
Venecia: fotot, Blue Albania