Tirana qyteti që jeton

Written by Flora Xhemani Baba on Friday, 27 July 2012. Posted in City Guide

Në qytetin ku argëtimi nuk mbaron asnjëherë

 

Tirana është qyteti më i madh i Shqipërisë dhe njëkohësisht kryeqyteti i saj. Një qytet i zhurmshëm e plot jetë, Tirana ka mbledhur në gjirin e saj pothuajse 40% të popullsisë që jeton në Shqipëri, që e shohin kryeqytetin si një mundësi më të mirë për jetën dhe për të ardhmen e tyre. Tirana është gjithashtu edhe qendra kryesore administrative, ku janë vendosur pothuajse të gjitha institucionet shtetërore, si Presidenca, Kryeministria, Parlamenti Shqiptar, Gjykata e Lartë, të gjitha ministritë, dhe institucionet e tjera shtetërore të nivelit te dytë e të tretë. Në Tiranë janë të vendosura po ashtu të gjitha përfaqësitë diplomatike të shteteve me të cilët Shqipëria ka marrëdhënie diplomatike, dhe selitë e institucioneve politike të Evropës. Tirana është qendra më e madhe e edukimit në vend, me një Korpus Universitar ku përfshihen të gjitha degët e edukimit, por edhe me një numër të konsiderueshëm universitetesh private, të cilat ushtrojnë aktivitet vitet e fundit.

Turizmi shqiptar, hallet e një stine vere

on Tuesday, 17 July 2012. Posted in Forum

Debat per sezonin turistik

Pjesmarrës në forum:
Zak Topuzi; Drejtues i Sektorit Hotelier; Shoqata Shqiptare e Turizmit ATA
Prof. Gëzim My. Uruçi; President i Qendrës Nacionale të Speleo-Alpinëve të Shqipërisë
Luan Dervishej; Senioi Expert
Ndoc Mulaj; Drejtues i Qendra Alpe
Sadik Malaj;Unioni i Operatorëve Turistikë Shqiptarë
Petrit Gjecaj; drejtues Thethi Guide
 Vasil Bedini; Kryetar, Shoqata e Hoteterive të Jugut
Pyetjet e Forumit:
Si ka nisur ky sezon turistik, në krahasim me të njëjtën periudhë të vitit të shkuar?
Cila është pritshmëria juaj si përfaqësues i Thethi Guide për këtë sezon?
Në fund të vitit të shkuar Shqipëria u rekomandua si një ndër destinacionet kryesore për 2011 nga mediat dhe ekspertët ndërkombëtarë. Duke marrë në konsideratë fillimin e këtij sezoni turistik, a mendoni se rekomandimet e mësipërme do të japin rezultate konkrete?
  A është e përgatitur Shqipëria për të pritur aq turistë sa pretendon dhe a është gati t’i presë si duhet ata?
A janë të mjaftueshme dhe në kohën e duhur masat që janë marrë kohët e fundit nga autoritetet, për të ndikuar pozitivisht në mbarëvajtjen e këtij sezoni turistik?

Turizmi përballë vetvetes

Written by Irhan Jubica on Tuesday, 17 July 2012. Posted in Editorial

Me një shpërndarje gjeografike që e rrok krejt Shqipërinë turistike nga veriu - jug, në linje- perëndim.

 

Në një vend, institucionet e të cilit marrin veset e shefit të radhës, njerëzit janë të prirur të mos i besojnë deklaratave zyrtare, me idenë fikse se as vetë shteti nuk i beson ato çka thotë. Kështu ka ndodhur me shifrat për rritjen ekonomike të vendit, kështu ka ndodhur me raportet për përmirësimin e klimës për biznesin, e kësisoj, nuk ka pse të mos ndodhë kështu edhe me turizmin, sikurse kështu mund të ndodhë edhe me regjsitrimin e minoritetit grek në Fushë-Arrëz. Megjithatë, duke qenë medium, një revistë nuk mund t’i përkasë njërës palë. Pra shtetit që shkarkon bateritë në fushata propagandistike trushpëlarëse. E as turmës së madhe të nihilistëve, mosbesueve e indiferentëve që shtohen ora-orës. Në një moment të tillë krize, një medium ka mundësinë e madhe të pozicionohet mes palëve, në përpjekje për t’u kthyer atyre besimin te njëri-tjetri, duke u bërë në vetvete një faktor i rëndësishëm i zhvillimit, si dhe një shembull i respektueshëm i transparencës profesionale që do të duhej të ishte kudo.

Për një kafe te Shtëpia e SALI SHIJAKUT

Written by Irena Kanani on Monday, 16 July 2012. Posted in Destinacione

Në shtëpinë prej qerpiçi, tashmë muze ku koha prej kohësh ka ndalur

Ndodhemi në Tiranë, konkretisht në rrugën “Siri Kodra”. Sapo merr kthesën e kësaj rrugice, nuk mund t`i shpëtojë syrit një banesë e cila i përket një arkitekture të vjetër tipike Tiranase, afrohem pranë saj, në adrestarin lexoj: Shtëpia e Sali Shijakut, të dyja portat prej druri janë të hapura dhe duket sikur të ftojnë në ambientet e saj, ku këmba të shkelë në kalldrëmet gjarpërushe të oborrit, (mësojmë se gurët e kalldrëmit janë të lumit Erzen). Më pas një ambient i këndshëm, shndërruar në një lokal mes freskisë dhe gjelbërimit. Një vëzhgim i shpejtë i ambientit na lejon të mësojmë se ofrohen shërbime të ndryshme, bar dhe ushqim tradicional, muze pikturash të gërshetuara me arkitekturën e vjetër të shtëpisë.

Shpella e Bajram Currit, apo e Dragobisë?

Written by Irena Kanani on Monday, 16 July 2012. Posted in Destinacione

Të paktë janë ata që duan të shijonë aventurën e shëtitjes nëpër pyll dhe marrjes së shpërblimit duke shijuar shpellën e Dragobisë

Sa prej jush kanë dëgjuar për Valbonën, perlën alpine shqiptare? Shumë. Dhe besojmë shumë të tjerë edhe kanë qenë atje. Por pak (ose aspak) prej jush kanë qenë ndonjëherë në Shpellën e Dragobisë, pavarësisht se mund të kenë qenë në Dragobi. Këtu nuk duam të llogarisim speleologët ose studiuesit që mund ta kenë vizituar shpellën për qëllime profesionale. Në vazhdën e pikave tërheqëse turistike të Shqipërisë, të cilat mund të vizitohen edhe për qëllime të tjera, do të donim të veçonim këtë herë, pikërisht shpellën e Bajram Currit.