Zak Topuzi: “Politika lodhet kot, vetëm turizmi e rrit punësimin!”

on Sunday, 24 March 2013. Posted in Intervista

Zv presidenti i Shoqatës Shqiptare të Turizmit shprehet për situatën e turizmit shqiptar

 

Ard Kola
Vendet fqinje po na “mbysin” nga ofertat joshëse, kurse Shqipëria vazhdon të mbetet larg çmimeve konkurruese. “Të paktën për të njëjtin shërbim dhe cilësi kemi tarifat më të larta”, thotë për gazetën “Shqip”, Zak Topuzi, kryetar i sektorit të Hoteleve në Shoqatën Shqiptare të Turizmit (ATA). Sipas tij, shkalla tatimore e TVSH, prej 20 për qind, nuk na bën aspak konkurrues me vendet e tjera, të cilat e kanë nën 10 për qind. Sa i takon debatit politik për taksat, Topuzi thotë se ka marrë premtime, por deri më tani realizimet duken larg. “Politika, – thekson ai, – lodhet kot të identifikojë sektorët se nga ku do të bazohet për rritjen e punësimit, pasi i vetmi që e mundëson është turizmi”.

 

Morelle Smith - Një poete skoceze në kërkim të Shqipërisë

on Saturday, 16 March 2013. Posted in Traveller

Morelle Smith, autore e një sërë librash me poezi dhe fituese e disa çmimeve letrare kishte zgjedhur Shqipërinë në prag të moshës së mesme, për të krijuar një përvojë të re në jetën e saj.

Morelle Smith - Një poete skoceze në kërkim të Shqipërisë

 

Njohja me letërsinë e Kadaresë dhe ditarët për Tiranën…

 

 

Morelle mbërriti për herë të parë në aeroportin “Nënë Tereza” në orën 3:30 të mëngjesit… Në qiell vezullonin yjet, ndërsa një grua të cilën e kishte njohur në avion i thoshte se “nuk ishte nevoja të merrte taksi për në qytet”. “Tirana është vetëm 15 minuta me autobus, nuk është e nevojshme të shpenzosh”. Ajo ishte nisur nga Heathrow, kishte pasur një ndalesë në Greqi dhe tashmë, më në fund, kishte mbërritur në Tiranë, edhe pse në errësirë. Për gruan që ishte rritur në Edinburg dhe që shkruante poezi, këto orë të para mëngjesi në këtë vend pothuajse të panjohur kishin diçka magjike brenda. Aeroporti tepër modest dhe këta njerëz pothuajse të panjohur që kërkonin të kujdeseshin për transportin e saj, i kujtuan ato çfarë kishte lexuar për Ballkanin. Ishte viti 2000. Morelle Smith, autore e një sërë librash me poezi dhe fituese e disa çmimeve letrare kishte zgjedhur Shqipërinë në prag të moshës së mesme, për të krijuar një përvojë të re në jetën e saj. “Prej vitesh isha duke kërkuar një punë në Europë apo në Ballkan. Doja të jepja kontributin tim në këtë pjesë të botës, e cila ishte rrënuar nga luftërat, shpërnguljet e vitit 1990. Kontaktova me shumë organizata joqeveritare ku kërkova të punoja si mësuese anglishteje. Më ofruan për të punuar në Bosnjë dhe në Shqipëri”, thotë ajo. Teksa Bosnja i kujtonte luftën, për një grua të rritur mes librash e panjohura është gjithnjë më interesante, ndoshta prandaj Morelle zgjodhi Shqipërinë. “Shqipëria ishte pothuajse e panjohur për mua. Kohët kur unë isha në vendin tuaj, ai ishte në një gjendje tranzicioni dhe shumë gjëra fillimisht më dukeshin të çuditshme. Në fillim Tirana, me arkitekturën e saj, trotuaret e thyera, mungesa e ndriçimit në rrugë, njerëzit që rrinin pothuajse gjithë ditën rrugëve. Ishte një situatë e panjohur për mua”, thotë ajo. Projektet e para ku Morelle u përfshi kishin të bënin me rehabilitimin e shkollave dhe spitaleve. “Ne punuam në rrethe të ndryshme të vendit, ku situata në shkolla ishte për të ardhur keq. Dritare të thyera, mungesë ngrohjeje dhe mbipopullim, mungesë të mjeteve shkollore si për nxënësit ashtu edhe për mësuesit. Ruaj një admirim për ata mësues që punonin në një situatë të tillë”, thotë ajo. Kjo është Shqipëria e 13 viteve më parë që njohu Morelle. Por në kthimet e shpeshta që ka pasur këto vite, ajo e sheh gjithnjë e më të ndryshuar…

 

Brikena Arapi: Shpresojmë që turizmi shqiptar të kthehet në gjithëvjetor

on Wednesday, 13 March 2013. Posted in Intervista

Drejtoresha e AKT flet për pjesëmarrjen e fundit ne Berlin 2013

 Nga Entela Resuli

Ajo është kthyer në Shqipëri vetëm dy ditë më parë. Vendi ynë ka qenë pjesëmarrëse për të 12- in vit radhasi në panairin më të madh të turizmit në botë. Brikena Arapaj, Drejtoresha e Agjencisë Kombëtare të Turizmit, na tregoi për eksperiencën e saj në këtë panair dhe se si e ka prezantuar Shqipërinë turistike të këtij viti. Në paraqitjen në mesin e 10.000 ekspozuesve nga 188 vendet të botës, ishte edhe Shqipëria. 12 operatorë turistikë që morën pjesë në të zhvilluan takime me biznesin dhe prezantuan materialet e tyre promocianale. 

Merr fund moratoriumi i skafeve, operatorët turistikë: Më shumë mundësi

on Tuesday, 05 March 2013. Posted in Lajme

Kryetari i shoqatës së operatorëve turistikë për jugun, Vasil Bedini, shprehet se operatorët turistikë e kishin pritur prej kohësh shfuqizimin e ligjit që i kishte penalizuar në bizneset e tyre.

VLORE – Nga sot ligji për moratoriumin e skafeve nuk është më aktiv. Qyteti i Vlorës dhe operatorët turistikë e kanë mirëpritur përfundimin e moratoriumit, duke shpresuar që ky ligj të mos kthehet më.

“Prej mbrëmjes së djeshme operatorët turistikë kanë pritur me padurim që të binte ky ligj i moratoriumit që na ka penguar në punën tonë gjatë viteve që kanë kaluar. Kanë qenë 7 vite që ne prisnim me padurim që ky moratorium të binte, duke patur parasysh që kërkesa e turistëve ka qenë e vazhdueshme që të kishin mundësi të eksploronin bregdetin shqiptar. Shpresojmë që të gjithë të pajisen me mjete lundruese dhe të vendosin flamurin kuqezi që nuk e kemi parë për shumë vite me radhë në detin Jon dhe Adriatik.”- u shpreh Bedini.

Best Destinations 2013 - Albania is considered value for money

on Tuesday, 05 March 2013. Posted in Lajme

Frommer’s bet is on Albania as the best destination of 2013

Best Destinations 2013 - Albania is considered value for money

Frommer’s, one of the magazines on travel guides followed in the U.S. has published a list of the best destinations in the world in absolute terms in 2013 but also the best market segments such as families, outdoor adventures and more. Among the latter, Frommer’s bet is on Albania as the best destination of 2013 for value for money. Therefore we are not speaking of a destination for elite tourism but a destination for everyone.