Krijohet Agjencia Kombëtare e Bregdetit - Gjermeni: krijon kushte për zhvillimin e turizmit

on Thursday, 23 January 2014. Posted in Lajme

Agjencia Kombëtare e Bregdetit do të shtrijë veprimtarinë e saj në të gjithë brezin bregdetar të Republikës së Shqipërisë, brez i shpallur nga Këshilli Kombëtar i Territorit si zonë me rëndësi kombëtare.

Krijohet Agjencia Kombëtare e Bregdetit - Gjermeni: krijon kushte për zhvillimin e turizmit

 

Këshilli i Ministrave miratoi krijimin e Agjencisë Kombëtare të Bregdetit që ishte edhe një nga premtimet e bërë gjatë fushatës elektorale. 

“Kam kënaqësinë t’ju komunikoj sot një tjetër premtim të mbajtur, një ndër objektivat e përcaktuara gjatë fushatës elektorale; krijimin e Agjencisë Kombëtare të Bregdetit. Vendimi i sotëm i jep një tjetër hov nismave të ndërmarra nga Ministria e Zhvillimit Urban dhe Turizmit, që synojnë mbrojtjen e pasurive natyrore të zonës bregdetare dhe promovimin e vendit si destinacion turistik”, u shpreh ministrja Gjermeni. 

Votoni destinacionin më të mirë për vitin 2014 në Shqipëri!

on Monday, 13 January 2014. Posted in Blog

Votat tuaja do të ndikojnë klasifikimin e 10 destinacioneve të 2014-ës...

Votoni destinacionin më të mirë për vitin 2014 në Shqipëri!

 

Të dashur miq!
Numri i ardhshëm i revistës Travel do të vijë bashkë me listën e re të 10 destinacioneve shqiptare që ne do t’ju propozojmë t’i vizitoni për 2014-tën. Por që kjo listë të jetë sa më e pëlqyer prej jush, kemi vendosur të përfshijmë në të edhe propozimet tuaja. Pra, na thoni se cilat janë sipas përvojës tuaj të jetuar vendet më të bukura në Shqipëri që mund të zgjidhen për pushimet e këtij viti. Vendet që do të na propozoni, do ti bashkangjiten listës sonë, për të nxjerrë në revistë dhjetëshen më të pëlqyer. Mund të na shkruani në inbox, të komentoni poshtë, ose të na dërgoni foto të këtyre vendeve. Ju mirëpresim!

Travel Magazine 12 - në treg që nga fillimi i Dhjetorit, me destinacionet më të mira dimërore shqiptare

on Monday, 06 January 2014. Posted in Lajme

Nga veriu në Jug me ofertat më të mira

Travel Magazine 12 - në treg që nga fillimi i Dhjetorit, me destinacionet më të mira dimërore shqiptare

Ky numër special i revistës Travel është i gjithi për të mos u humbur, për arsyen e thjeshtë se në të është prezantuar e gjithë oferta turistike dimërore e Shqipërisë. Do të jetë një numër që sa herë të doni të planifikoni pushime për fundjavat tuaja, mund t’i ktheheni përsëri e përsëri, për të zbuluar çdoherë një destinacion të ri, një aventurë të re!!!
Ndër të tjera, në këtë numër do të lexoni:
Panairi i Turizmit Dimëror – një dallëndyshe në dëborë
Mirëse vini në Arbanasi – nga Lina Ivanova
Nëpër Tiranën e pesë kontinenteve
Dajti – thirrja e përhershme e dëborës – nga Flora Xhemani Baba
Turizmi dhe edukimi profesional – nga Blerina Ago
Përshëndetje nga Tetova, qyteti me bukuritë përrallore të Sharrit
Ohri – qyteti i përjetshëm

Destinacione dimërore në Shqipëri

Written by Flora Xhemani Baba on Saturday, 28 December 2013. Posted in Destinacione

për pushime të bardha, të bukura dhe me aromë Shqipërie...

Destinacione dimërore në Shqipëri

 Destinacione….argëtim….ski!

Natyrisht për çfarë mund të flitet tjetër dimrit përveçse, se ku janë vendet më të bukura për të shkuar e për t’iu gëzuar dëborës. Problemet hëpërhë i kemi lënë t’i mbulojë bardhësia e saj, e tani do të flasim vetëm për argëtim dhe kënaqësi.
Dimri tashmë është  shtruar këmbëkryq e na ka sjellë dëborë me shumicë anekënd trojeve tona shqiptare, në veri e jug, verilindje e juglindje të Shqipërisë. E kemi thënë tashmë shpesh e, e rithemi, Shqipëria nuk ka resorte skish. Ato nëse doni t’i kërkoni, mund t’i shijoni  në vendet fqinje, edhe në pronësi të shqiptarëve, në Brezovicë, ndanë Maleve të Sharrit apo në Kodrën e Diellit në Tetovë ku bukuritë natyrore janë ndërlidhur fort me ndërtimet e këndshme alpine.
Po ku mund të shkohet për turizëm dimëror në Shqipëri?
Juglindja dhe verilindja e Shqipërisë, po bëhen së fundmi destinacioni i synuar fort, pas ndërtimit të hoteleve dhe fshatrave turistikë modernë. 

 

Valbona e skiatorëve alpinistë

Written by Gent Mati on Sunday, 22 December 2013. Posted in Outdoor

Për një dimër të paharrueshëm mes dëborës dhe fëmijëve alpinistë!

Valbona e skiatorëve alpinistë

 

Të skijosh në Valbonë është një kënaqësi e rrallë, për një skiator apo snowboard-ist me përvojë ski-alpinistike.  Terreni është i jashtëzakonshëm dhe sasitë e dëborës që grumbullohen gjatë periudhës Dhjetor - Prill, “konkurojnë” luginat e Zvicrës dhe Austrisë.
Valbona në dimër fle nën petkun e dëborës derisa, shkojmë ta zgjojmë rregullisht prej disa vitesh, së bashku me miq të vjetër dhe të rinj nga të katër anët e botës, të etur për të skijuar terren të pjerrët e të pashkelur.