Ura e Kordhocës, mrekullia 200-vjeçare

on Tuesday, 29 January 2019. Posted in Lajme

Aktualisht njihet si e vetmja nyje lidhëse në luginën e Drinos

 Ura e Kordhocës, mrekullia 200-vjeçare

Nga Adela Alla

TIRANË, 29 janar /ATSH/ – Ura e Kordhocës, mrekullia 200-vjeçare, sipas historianëve është ndërtuar rreth vitit 1820 dhe në atë kohë ishte nyja kryesore lidhëse për tre qytete, Gjirokastrën, Libohovën dhe Janinën, ndërsa aktualisht njihet si e vetmja nyje lidhëse në luginën e Drinos.

Të rinjtë e apasionuar pas turizmit të bardhë ngjiten në malin e Çikës

on Tuesday, 29 January 2019. Posted in Lajme

Aventura në një ndër 85 majat më të larta të maleve në Europë

Të rinjtë e apasionuar pas turizmit të bardhë ngjiten në malin e Çikës

Nga Klotilda Saraçini
TIRANË, 28 janar/ATSH/- Të rinj aventurierë të borës dhe lartësive janë ngjitur ditët e fundit në Llogora dhe më tej drejt lartësive me borë të malit të Çikës.

Mali i Çikës ndodhet në bregun e detit, midis Jonit në perëndim dhe luginës së Shushicës në lindje, me shtrirje juglindje-veriperëndim e me majat më të larta të Çikës (2040 m) e të Qorres (2018 m).

Kryetari i bashkisë së Himarës, Jorgo Goro, në disa fotografi të publikuara prezanton të rinjtë aventurierë që janë ngjitur në Majën e Çikës, që është në vendin e 85 të majave më të larta të maleve në Europë.

Made in Albania: Soap Arcadia, kopshti i mrekullive të Anxhelës

on Monday, 28 January 2019. Posted in Intervista

“Mendo globalisht dhe vepro lokalisht” në përgatitjen e produkteve të përkujdesit vetjak

Made in Albania: Soap Arcadia, kopshti i mrekullive të Anxhelës

SHQIP

Na pëlqejnë shumë njerëzit që e duan natyrë dhe mjedisin. Jemi gjithmonë pozitivë e të prirur t`i tregojmë historitë e tyre me shumë dëshirë. Dhe kemi pikërisht një mikeshë të natyrës, me të cilën duam t’ju njohim edhe ju, një person që mbështet të ardhurat e saj tek pasioni që ka për kujdesin vetjak. Anxhela Panxhi dhe filozofia saj është #ikigai. Nuk tingëllon shumë si diçka shqiptare, por ajo bën një kombinim shumë të mirë të slloganit “mendo globalisht dhe vepro lokalisht”. Ajo i jep punës së saj nota lokale dhe ndërkombëtare, duke u marrë me përgatitjen e krijimeve e produkteve të përkujdesit vetjak, të cilat ajo i disponon gjerësisht në Shqipëri, në shtetet ballkanike, në Belgjikë, Hollandë, Gjermani dhe në të gjithë botën. Ajo themeloi 8 vite më parë Soap-arcadia Home-magic Crafts dhe Herb-Arcadia Superfood Tirana.

“Corriere della Sera”: Saranda, ndër 12 destinacionet europiane për 2019

on Monday, 28 January 2019. Posted in Lajme

Në sajë të plazheve të bukura dhe natës së saj të gjallë

“Corriere della Sera”: Saranda, ndër 12 destinacionet europiane për 2019

Nga Klotilda Saraçini

TIRANË, 26 janar/ATSH/- Para mbërritjes së fluksit të turistëve gjatë verës, qershori është koha më e mirë për të shijuar detin në Shqipërinë jugore në qetësi të plotë.

Saranda, në veçanti, në fund të Rivierës Shqiptare, në sajë të plazheve të bukura dhe natës së saj të gjallë, është bërë vitet e fundit një nga destinacionet më të famshme të vendit.

Kështu shkruan gazetarja italiane Francesca Masotti në një artikull të publikuar në rubrikën “Dove” të gazetës prestigjioze italiane “Corriere della Sera”.

Made in Albania: “Pema e Jetës”, vendi që ju sjell më pranë natyrës

on Monday, 28 January 2019. Posted in Destinacione

Njihuni me fermën agroturistike, që po sjell në Shqipëri kultura të reja të ushqimit, me kilometër zero

Made in Albania: “Pema e Jetës”, vendi që ju sjell më pranë natyrës

SHQIP
Dhjetëra hektarë tokë e mbjellë me pemë, perime, lule e kultura të ndryshme bujqësore. Produkte që po kujdesen t'i rrisin sa më natyralisht, duke shmangur pesticidet dhe duke përdorur plehërimet organike. Fruta në çdo stinë e madje edhe fruta të rralla që vështirë se do t'i gjeni diku tjetër, perime kopshti por edhe sera nën kujdes profesional. Kultura të lashta si ulliri, që do t'i sjellin këtij vendi lëngun e jetës dhe traditën e lashtë ilire. Qindra kafshë e shpendë, që rriten në ambient të hapur, me ushqim organik dhe nën ajrin e pastër të Kodrave të Shkallnurit. Jemi tek ferma agroturitike "Pema e Jetës", një sipërmarrje që ka zënë vend në kodrat e bukura të Shkallnurit dhe që mund ta gjeni shumë kollaj fare pranë rrugës kombëtare Plepa - Tiranë, rrugë që synon shumë shpejt të kthehet në një itinerar turistik.